İşğal etilgen Qırımda yaqarlıq buhranı kerginleşe. "Sarı şerit" cemaat areketiniñ faalcileri aman-aman er kün benzin fiyatınıñ köterilüvi, benzin stantsiyalarında benzin qıtlığı ve yerli sakinler arasında umumiy narazılıq aqqında haber eteler.
Olar Suspilne Qırımğa bunı bildirdiler.
"İnsanlar ğayet açuvlanalar: yaqarlıq stantsiyalarında nevbetler, devamlı yarıqsızlıq ve akimiyetniñ vaziyetni nezaret etmegenini isbatlaylar. Er kesniñ añlağanına köre, bu Rusiye iqtisadiyatındaki meseleler, neft zavodlarına ücümler ve işğalli akimiyetniñ haotik qararları sebebinden", — dep faalcilerden biri qayd etti.
Onıñ bildirgenine köre, ya yaqarlıq stantsiyalarsan yoq ola, ya da fiyatları "rekord seviyesi"nde tura.
"Fiyatlar aftada bir qaç kere degil de, er kün köterile bile. Aİ-95 tapmaq qıyın, bar ise, çoqusı içün pek paalı", — dep yerli sakin qoştı.
Bundan ğayrı, yaqarlıq buhranına naqliyat buhranı da qoşula — insanlar Qırımğa barmağa tırışıp, 4-8 saat devamında Qırım köpründe turalar, dep areketi faalcisi qoştı.
"Ve bu, yaqarlıq teminatına da tesir ete. Belki de, bu köpürden benzin alıp keteler, kim bile? Ruslar er yerni bozıp, yaqarlıq qıtlığı oldı", — dep qoştı o.
Aynı zamanda öz naqliyat vastaları olmağanlar bile zarar köreler.
"Menim qullanğanım şeer civarında ketken dolmuşnıñ fiyatı baarde bir kere köterildi ve tanış aydavcılar daa köterilmek mümkün olğanını aytalar", — dep Qırım sakini bildirdi.
Onıñ aytqanına köre, şimdi "neft dolları cenkke sarf etilsin" dep, neftniñ ihracatqa berilgenini eşitken edi.
"Bizni ise paalılaşuv ve qıtlıqnen oğraşmağa mecbur ettireler. Böyle vaziyette insanlar ya ayaq üstünde yürecekler, ya da evde oturacaqlar", — dep faalci qoştı.
Bundan evel oraq ayınıñ 30-nda Milliy muqavemet merkezi bildirdi ki, Qırımdaki benzin stantsiyasında benzin qıtlığı bar — benzin yedekleri boş, olarda ise "бензіна нєтbenzin yoq" levhaları asıla, lâkin levhada alâ daa yaqarlıq bar olğanı qayd etile.
MMMniñ malümatına köre, Rusiyedeki yaqarlıq buhranı bunıñ sebebi oldı. Oraq ayınıñ 29-ndan itibaren Rusiye Federatsiyası, merkeziy bölgelerge ketirüvlerni deñiştirmek içün benzin ihracatını yasaq etti. Neticesinde, vaqtınca işğal etilgen topraqlar, şu cümleden Qırım, yeterli derecede yaqarlıqnen temin etilmey qaldı.
Telegram, WhatsApp, Facebook, TikTok ve YouTubede Suspilne Qırım haberlerine abune oluñız
