"Ateş" arbiy-partizan areketiniñ agentleri bildirdiler ki, işğal etilgen Qırımda "vertolötka" olaraq belli olğan ve şimdi "Aviakomplekt" FDUMniñ bölügi olaraq çalışqan sabıq Sevastopol (AqyarRusiye imperiyası ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki ad) aviatsiya zavodı RF arbiy logistikası içün müim bir noqta oldı.
Areket iştirakçileri Telegramda bunı bildirdiler.
Partizanlarnıñ qayd etkenlerine köre, müessise tek Rusiye Mudafaa nazirligi içün vertolötlarnı tamir etmekten ğayrı, Ukrayina cenübine arbiy uçuşlar planlaştırılğan komandanlıq noqtası vazifesini de eda ete.
"Menbalarımıznıñ malümatına köre, anda muntazam sürette Canköy ve Rostov-na-Donu şeerlerinden Rusiye ava-kâinat quvetleriniñ zabitleri keleler. Mında ücümlerni idare eteler, ekipajlarnı hızmet eteler, vertolöt gruppalarını azırlaylar ve tamir eteler. Böyle merkezniñ barlığı, Herson, Mıkolayiv, Zaporijjâ kibi cenübiy Ukrayinanıñ tınç şeerlerine ücümlerniñ çoqluğına tesir ete. Bu endi tek tamirhaneler degil — bu işğalli aviatsiyanıñ sinir merkezi", — dep "Ateş" bildirdi.
Telegram, WhatsApp, Facebook, TikTok ve YouTubede Suspilne Qırım haberlerine abune oluñız
