"Ateş" arbiy-partizan areketiniñ agentleri işğal etilgen Qırımdaki Qaçı Rusiye arbiy ava limanı toprağında muvafaqiyetli bir istihbarat yapqanlarını bildirdiler. "Pantsır-S1" raketa-top kompleksiniñ, "Podlöt" radiolokatsiya stantsiyasınıñ ve P-18-2 RLSniñ yerleştirilüvi qayd etildi.
Areket iştirakçileri Telegramda bunı bildirdiler.
Areket qayd etti ki, Qaçı ava limanı işğal etilgen Qırımda Rusiye Ava quvetleriniñ esas noqtası ola, anda 318-inci polkunıñ ücüm aviatsiyası, komandanlıq noqtaları, logistika ve radiolokatsiya kompleksleri yerleşe. Bu sistemalar yarımadanıñ işğal etilgen cenübiy-ğarbinde ava ücümleriniñ idaresini temin ete.
"Soñki aylarda ava limanı ücümge oğradı: mayıs, oraq ve soñki sefer oraq ayınıñ 23-nden 24-ne keçer gecesi kütleviy ücümler. Qaçı ve Orlivka (MamaşayRusiye imperiyası ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki ad — terciman) rayonlarında patlavlar ve viraneler qayd etildi. Olarnıñ yaralanması bölgedeki bütün işğalli aviatsiyanıñ işini ciddiy şekilde zayıflata ve ava ameliyatlarınıñ idaresini boza", — dep "Ateş" bildirdi.
Telegram, WhatsApp, Facebook, TikTok ve YouTubede Suspilne Qırım haberlerine abune oluñız
