İşğalciler Sevastopoldeki (Aqyar)Rusiye imperatorlığı ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki adı musafirhane binasından "Ukraina" yazısını çıqardılar. Otel 1963 senesinden berli bu adını taşımaqta.
Bu aqta "Qırımtatar resurs merkezi" (QRM) bildirdi.
"Bu adım, Rusiyeniñ işğal etilgen Qırımnıñ cemaat meydanından Ukraina aqqında er angi bir añıluvnı yoq etmege tırışqanınıñ daa bir misalidir. Olar soqaqlarnıñ adlarını deñiştireler, abidelerni yıqalar, tarihiy adlarnı deñiştireler, şimdi ise atta on yıllar devamında şeerniñ bir qısmı olğan nişanlarnı deñiştireler", – deyler raportta.
Merkezniñ ekspertleriniñ fikirine köre, böyle areketler işğalcilerniñ ukrain menliginden qorqqanlarını köstere.
"Olar bu topraqnıñ aqiqiy saiplerini hatırlatqan er şeyden qurtulalar. Amma binadan ariflerni çıqarsalar bile, insanlarnıñ hatırasından, tarihtan ve medeniyetten "Ukraina" sözüni silmege istemeycekler", – dep yaza QRM.
Hatırlatamız ki, 2022 senesi uvut ayında Ukraina Nazirler Kabineti, işğal etilgen Qırımdaki 22 coğrafik obyektniñ adını deñiştirüvni tasdıqladı, olarnıñ çoqusına tarihiy qırımtatar adları qaytarıldı. Adını deñiştirüv işlerine Ukraina milliy hatıra institutı ve qırımtatar halqınıñ meclisi faal iştirak ettiler.
Telegram, WhatsApp, Facebook ve YouTube-ta Suspilne Qırım haberlerine abune oluñız
