Mudafaa nazirliginiñ baş istihbarat idaresi işğal etilgen Qırımdaki ücümlerniñ neticelerini aydınlattı: olarnıñ malümatına köre, işğalcilerniñ eñ qıymetli RLSlarından biri — S-500 kompleksinden "Yenisey" RLSı ücüm etildi. Bİİniñ malümatına köre, bu alet Rusiye Federatsiyasınıñ silâsında eñ qıymetlilerden biridir.
UMNniñ Baş İstihbarat İdaresi Telegramda bunı bildirdi.
"Ukrayina Mudafaa nazirliginiñ "Prımarı" bölüginiñ arbiy hızmetçileri vaqtınca işğal etilgen Qırımda keçken operatsiya vaqtında istilâcı-devlet Rusiye silâsınıñ eñ qıymetli radiolokatsiya stantsiyalarından birini — 98L6 "Yenisey"ni urdılar. Nadir ve qıymetli "Yenisey" RLS Rusiyeniñ S-500 "Prometey" ava mudafaası kompleksiniñ terkibine kire. "Yenisey"niñ zarar körmesi — vaqtınca işğal etilgen Qırımda Rusiye istilâcılarınıñ qoruv sistemasınıñ qabiliyetine ciddiy bir ücümdir", — dep haberde qayd etildi.
Bİİ qoştı ki, "Yenisey" RLS duşmannıñ S-400 "Triumf" komplekslerinen qullanıla bile. Bu RLS tam tolu miqyaslı istilâdan soñ qullanıla başlandı ve S-500 ava mudafaası sistemasınıñ bir qısmı ola. Çıqarıcınıñ malümatına köre, "o, ballistik maqsadlarnı, hipersonik raketalarnı, stesl-maqsatlararbiy obyektlerniñ, şu cümleden uçaq ve gemilerniñ, közetüv spektriniñ çeşit diapazonlarında (radio, infraqırmızı ve ilâhre) körünişni azlaştırmaq içün qullanılğan usul ve tehnologiyalarnen bağlı.nı, şu cümleden zemaneviy bombardıman uçaqlarını, em de alçaq orbitadaki uydularnı ve yüksek manevrli aerodinamik maqsatlarnı tapmaq qabiliyetine saiptir".
Hatırlatamız ki, daa evel Baş istihbarat idaresi işğal etilgen Qırımda arbiy obyektlerniñ zarar körgenini köstergen video yayınladı. Bu malümatqa köre, "Prımarı" mahsus bölüginiñ arbiy dronları duşmannıñ qubbelerdek RLSnı, desant katerini ve Ay Petrideki AMS bazasını urdı.
Telegram, WhatsApp, Facebook, TikTok ve YouTubede Suspilne Qırım haberlerine abune oluñız
