Eñ az 284, hususan Qırımdan, Ukrayina vatandaşı siyasiy ya da diniy sebeplerden Rusiye ya da işğal etilgen topraqlarda apis yerlerinde buluna.
Qırım uquq qorçalayıcı gruppasınıñ çiçek-ilk yaz aylarındaki monitoring esabatında bu aqqında aytıla.
Şu cümleden, "Qırım musulmanları davası" çerçivesinde eñ az 109 adam qanunsız apiske alındı.
"Ukrayina diversiyacıları ve casusları davası" boyunca apiste eñ az 102 Ukrayina vatandaşı tutula, olarnıñ arasında — Qırımda tutulğanlar (2014 senesinden başlap) ve Zaporijjâ ya da Herson vilâyetlerinde 2022 senesi kiçik aynıñ 24-nden soñ hırsızlanıp, Qırım SİZOsına alıp ketirigen eñ az 39 insan.
Eñ az 36 adam Noman Çelebicihan adına batalyonda iştirak etkeninde qabaatlanıp apiske alındı. Bundan ğayrı, eñ az 17 Qırım jurnalisti ve eñ az 13 "Yehova şaatı" apishanede tutula.
Hatırlatamız ki, arman ayınıñ 4-nde Ukrayina prezidentiniñ Qırımdaki temsilciligi eñ az 220 qanunsız tutulğan mabüs aqqında bildirdi.
Читати ще
Telegram, WhatsApp, Facebook, TikTok ve YouTubede Suspilne Qırım haberlerine abune oluñız
