İşğal etilgen Qırımnıñ Ermeni Bazar şeerinde yerleşken "Titan" zavodınıñ kislorod toplayıcı terkibi sıcaqtan qızdıra, bu da himiyeviy maddelerniñ intensiv buvlanmasına yol aça.
Telegramda Qırım Nazirler Şurasınıñ işğalli reisi Yuriy Gotsanük bunı bildirdi.
"Ekşilik aqıntılarını yoq etüv bölügi çalışa. Er kün 80 biñ kubometr tatlı suv ve 1,2 tonna kireç suvı buvlanuvnı azlaştırmaq içün bereler. Bugünde-bugün suv seviyesi optimal ve 1,50 metrni teşkil ete", — dep yazdı o.
2014 senesine qadar "Titan" tatlı suvnen Şimaliy-Qırım kanalı vastasınen temin etilgen edi, em de zavod onı Herson vilâyetindeki Perekop (Or QapıRusiye imperiyası ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki ad) civarında yerleşken quyulardan ala edi. Yarımada işğal etilgen soñ Qırımdan suv keçirildi, yañı quyular qazıldı.
2018 senesi arman ayında belli olmağan maddeniñ çıqarıluvı qayd etilgen edi. O vaqıt balalarnı şeerden tahliy ete ediler.
"Rusiye ordusı 2023 senesi Kahovka GESnı patlatqan soñ, zavodnıñ çalışıp devam etmesinden belli telükege baqmadan, mahsulatnıñ istisalini kenişletmege devam ettiler, şu cümleden, ihtimalnen, işhanede patlayıcı maddelerni işlep çıqardılar", — dep Qırım reintegratsiyası birleşmesi qayd etti.
Birleşmeniñ mütehassıslarınıñ esaplarına köre, tek bir sıcaq ayda ve quruvğa yol bermemek içün, ekşilik toplayıcığa istilâcı eñ az 2 million kubometr suv tökken.
"Misal içün, Qırım yapma göllerinde suv miqdarı şimdi 100 million kubometrni teşkil ete, ve tek "paytaht" olğan Simferopolnı (AqmescitRusiye imperiyası ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki adni — terciman) 2025 senesine qadar suvnen temin etmek içün, duşmannen işdeşlik yapqan insanlar endi 10 million kubometr artesian suvnı çıqarğanlar", — dep Assotsiatsiya bildirdi.
Mütehassıslarnıñ fikirince, bu işğal etilgen yarımadada suv teminatınen bağlı vaziyetni kerginleştirir.
Hatırlatamız ki, işğal etilgen Qırım sıcaq ve yapma gölleriniñ azlaşması sebebinden suv qıtlığı devrine kire. Arman ayınıñ 1-ne qadar tabiiy suvnıñ miqdarı 100 million kubometrden az oldı, bu ise keçken seneniñ köstergiçlerinden bayağı az. İşğalli "Sputnik v Krımu" haber agentliginiñ canlı yayınında "Vernadskiy adına QFUniñ Biohimya tehnologiyaları, ekologiya ve farmatsevtika institutı"nıñ suv qullanuvınıñ himiyeviy tehnologiyaları kafedrasınıñ müdiri İlya Nikolenko bunı bildirdi, dep "Golos Krıma" haber agentligi haber etti.
Telegram, WhatsApp, Facebook, TikTok ve YouTubede Suspilne Qırım haberlerine abune oluñız
