İşğal etilgen Qırımda Yalta civarındaki dört köy qaza sebebinden elektriksiz qaldı — Nikita, Masandra, Voshod ve Otrada. İşğalli akimiyet üç saat içinde elektrikni ğayrıdan bermege vade etti.
"Krımenergoinform" işğalli müessisesi bu aqqında haber etti.
"Yalta şeerinde — Nikita, Masandra, Voshod ve Otrada qasabalarında elektrik fevqulâde şekilde kesildi. Elektrik energiyasınıñ ğayrıdan tiklenmesi içün planlaştırılğan vaqıt — 3 saat", — dep haberde qayd etildi.
İşğalli akimiyet qaza sebebini bildirmedi.
Bugün, arman ayınñ 6-da, saat 17:00-ğa qadar Qırımda Perekop (Or QapıRusiye imperiyası ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki ad) rayonında elektrik kesildi. İşğalli akimiyet eki köyde tamir işleri aqqında haber berdi.
Hatırlatamız ki, arman ayınıñ 4-nde işğal etilgen Qırımnıñ Yalta rayonınıñ Nova Kutuzivka köyünde elektrik söndürilgeni sebebinden 51-nci "Simferopol — Aluşta" trolleybuslarınıñ areketi lâğu etildi.
Telegram, WhatsApp, Facebook, TikTok ve YouTubede Suspilne Qırım haberlerine abune oluñız
