Rusiye, "raqamiy blokada"-nı yerleştire, işğal etilgen Qırımda, Donetsk ve Lugansk vilâyetleriniñ vaqtınca işğal etilgen territoriyasında olğanı kibi, mobil alâqalarnı ve internetni kütleviy sürette söndüre. İşğalciler bunı "havfsızlıq içün" dep añlatalar.
Bu aqta Ukraina Silâlı Quvetleriniñ mahsus ameliyatlar Quvetleriniñ reberligi yanındaki bölügi, Milliy Tirenüv Merkeziniñ (MTM) öz Facebook saifesinde oraq aynıñ 28-de bildirdi.
"Asıl da er şey qolay: az malümat – çoq yalan demektir. Kreml, VİT-nı malümat gettosına çevire, anda "muvafaqiyetler", "referendumlar" ve "ebediy" aqqında masallar uydurıp aytmağa daa qolay. O, tek tehnikiy meselesi degil – işğalcilerniñ silâsıdır", – qayd ettiler MTM-de.
Aynı zamanda Qırımnıñ yerli sakini, Suspilne Qırım-ğa şimdige qadar internetniñ işinde iç bir türlü üzülmeler qayd etmegenini bildirdi.
"Şimdige qadar men mobil internetniñ işinde toqtavlarnı körmedim, bazıda o artta qala, amma biz bunıñ olıp keçmesine endi alışqanmız", — qayd etti o.
Qırımnıñ "Volna" operatorı da yarımadada "havfsızlıq sebebinden" mobil internetniñ sıñırlanması mümkün olğanını bildirdi. Bütün operatorlar sıñırlavlarğa tüşe bile. Amma anda olar közenek bağları yahşı çalışqanını qoştılar.
Oraq aynıñ 23-de Qırımnıñ işğalci Miniformı, Qırımdaki statsionar şeritiniñ büyük operatorlarına qarşı kütleviy DDoS ücümi aqqında haber etti. Olar bazı hızmetlerniñ olamaycağı aqqında haberdar ettiler. Statsionar alâqası — yerli telefonlar vastasınen berilgen hızmetler: telefon, faks ve İnternet.
Oraq aynıñ 13-de işğal etilgen Qırımda mobil internet de qısmen ğayıp oldı ve alâqa bozuqlıqları oldı. Monitoring resursı Downdetector, Telegram, VPN hızmetleri ve operatorları, hususan, "MTS", "Volna Mobile" ve "Miranda-media" provayderiniñ malümatına köre, çalışmadılar. Qullancılar banklarda tölevler ve "Gosuslugi"de ruhset berüv ile bağlı meseleler aqqında da haber ettiler.
Telegram, WhatsApp, Facebook ve YouTube-ta Suspilne Qırım haberlerine abune oluñız
