"ATEŞ" areketiniñ agentleri işğal etilgen Sevastopoldeki (Aqyar)Rusiye imperatorlığı ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki adı arbiy obyektlerge gece dronlarnıñ ücüminiñ şaatı oldılar. Olarnıñ malümatlarına köre, ücüm Rusiye Federatsiyasınıñ zenit polkı ve suv astı diversion küçleriniñ mevamlarına yöneltile bile. Şimdi arbiy areketniñ neticeleri aydınlatıla.
Bu aqta Telegram-da "Ateş" adlı arbiy-fırqa areketi bildirdi.
"ATEŞ" areketiniñ agentleri Ukraina Mudafaa Quvetleriniñ Qırımdaki arbiy obyektlerge UUA-niñ ücüminiñ şaatı oldılar. İşğal etilgen Sevastopolde pikaplar esasında köçme yanğın söndürici gruppalarnıñ yerleşken yerleri qayd etildi – şeerniñ şimaliy qısmında böyle koordinatalar boyunca: 44.638263, 33.521132 ve 44.637310, 33.522386", – haber eteler "ATEŞ"-te.
Yol agentleriniñ malümatına köre, FPV dronlarınen kamikadze dronları 1096-ncı zenit polkınıñ ve SVDKV-nıñ (suv astı diversiya küçleri ve vastaları) 102-nci bölüginiñ mevamlarına kirmege tırıştılar. Şimdilik ücümniñ neticeleri belli degil, malümatlar aydınlatıla.
Oraq aynıñ 26-da Rusiye Federatsiyası Mudafaa nazirligi, Qırımda 6 dron, Azaq deñiziniñ suvlarında ise daa 4 dron yoq etilgeni aqqında ilân etti.
Oraq aynıñ 25-te aqşam şeerniñ işğalci "gubernatorı" Razvojayev, Telegram-da Şimaliy ve Cenübiy iskeleler, Streletskaya, Kamışov, Kruğla, Balıqlava körfezleri meydanında avadan qorçalanuv sistemalarını qullanıp, flotnıñ "oqutuv" başlanğanı aqqında haberdar etti.
Telegram, WhatsApp, Facebook ve YouTube-ta Suspilne Qırım haberlerine abune oluñız
