İşğal etilgen Qırımnıñ Feodosiya (KefeRusiye imperiyası ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki ad) şeerinde quru ot yanıp başladı. Şimdi yanğınnıñ meydanı 5 gektardan çoq ve yel sebebinden arttıra. Mi-8 vertolötörleri azırlıqqa ketirildi.
FVNniñ Qırımdaki işğalli idaresi bu aqqında haber etti.
"Ateşniñ tez tarqaluvına sıcaq ve yelli ava yardım ete, saniyede 12 metrge qadar küçlü ola. 170-ten ziyade adam ve 30-dan ziyade tehnika yoq etilüvge celp etildi. Yanğın olğanı yerge qoşma Rusiye FVNniñ Qırım Cumhuriyetindeki Baş idaresiniñ aeromobil taqımı yollanıldı, Mi-8 vertolötı da azırlıqqa ketirildi", — dep işğalli FVN haber etti.
İşğalli qurtarıcılarnıñ bildirgenlerine köre, yanğın tarqaluv telükesi altında eki qomşu meskün yer — Sonâçne ve Vınoğradne buluna.
Hatırlatamız, oraq ayınıñ 23 ve 24 künleri işğal etilgen Qırımnıñ ğarbiy, merkeziy, cenübiy, şarqiy rayonlarında ve Sevastopol (AqyarRusiye imperiyası ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki ad) şeerinde fevqulâde yanğın telükesi qalacaq. Qırımda telükeli gidrometeorologik adiseler aqqında furtuna havfı ilân etildi.
Читати ще
Telegram, WhatsApp, Facebook, TikTok ve YouTubede Suspilne Qırım haberlerine abune oluñız
