BMT tamır halqlarnıñ aq-uquqları boyunca ekspert mehanizminiñ 18-nci sessiyası devamında Qırımtatar resurs merkeziniñ idare reisi ve Qırımtatar halqı Meclisiniñ azası Eskender Bariyev, halqara cemiyetini "Tamır halqlarnıñ tınçlıq qurucılığınıñ on yıllığını" ilân etmege çağırdı.
Bu aqta Qırımtatar resurs merkezi bildirdi.
O, qırımtatarlarğa ve diger tamır halqlarğa nisbeten Rusiye Federatsiyası tarafından yapılğan cenk cinayetlerini ayrıca qayd etip, olarnıñ aqlarını qorçalamaq içün muayyen tevsiyelerni teklif etti. O, öz çıqışında cenklerniñ neticelerinden çekişken insanlarğa yardım etmek içün dünyaca bir alet yaratmaq kerekligini qayd etti.
Bariyev, tamır halqlar devletlerara davanıñ, hususan, Rusiyeniñ Ukrainağa qarşı arbiy tecavuznıñ qurbanı sıq-sıq olğanını qayd etti. O, 2025 senesiniñ oraq ayına köre, qırımtatar halqınıñ 156 vekili Rusiye apishanelerinde qanunsız tutulğanı, eki siyasiy mabusı – Cemil Ğafarov ve Rustem Virati – pmustemlekede elâk olğanları aqqında haber etti.
Bariyev, öz beyanatında bir sıra ameliy adımlarnı teklif etti, şu cümleden:
- Tamır halqlarnıñ ğayıp oluvına cevap mehanizminiñ yaratıluvı;
- "Tamır halqlarnıñ qanunlarınıñ imayecileri" adlı er yıllıq mukâfatnıñ taqdim etilmesiniñ teşebbüs etilmesi;
- Basqılar qurbanları içün reabilitatsiya programmaları;
- Tamır halqlar arasında siyasiy mabüslerni qorçalağan advokatlarğa yardım etüvi;
- Mabüslerniñ qorantalarına maddiy yardımı;
- Tamır halqlarnıñ inkişafına cenk tesiriniñ ögrenüvi;
- BMT mahsus muracaatçısı ve THAEMTamır Halqlarnıñ Aqları boyunca Ekspert Mehanizmi memleketlerine ziyaretlerniñ sayısınıñ arttırıluvı;
- Cenk vilâyetlerden iştirakçiler içün iqtisadiy yardımına evellik;
- "Tamır halqlarnıñ halqara tınçlıq qurucılığınıñ on yıllığınıñ" kirsetüvi;
- UNESCO vastası ile tamır halqlarnıñ medeniy mirasınıñ qorçalavı.
Telegram, WhatsApp, Facebook ve YouTube-ta Suspilne Qırım haberlerine abune oluñız
