Qırım Muhtar Cumhuriyeti prokurorlığı izinsiz milliy emiyetli obyektte qazma işlerni keçirgen Rusiye Federatsiyasınıñ vatandaşı aqqında haber etti. Söz antik abide — işğal etilgen Qırımnıñ Keriç şeerinde Mitridat dağınıñ yanında yerleşken "Pantikapey qadimiy şeeri" atiqiyat kompleksi aqqında kete.
Qırım Muhtar Cumhuriyeti ve Sevastopol (AqyarRusiye imperiyası ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki ad) şeeri prokurorlığı Telegramda bu aqqında haber berdi.
Tahqiqatnıñ malümatına köre, şübheli — Moskvadaki A.S. Puşkin adına devlet bediiy sanat müzeyiniñ antik dünya atiqiyat bölüginiñ reberi — Qırım işğal etilgen soñ "İstanbul Boğazı atiqiyat ekspeditsiyası"nı idare etti. Bir qaç yıldan berli o, ukrayin devletinden iç bir izin almadan, Pantikapey toprağında tetqiqatlar keçire, mütehassıslarnıñ fikirince, bu, milliy emiyetli atiqiyat abideniñ yoq etilmesine ketire.
O, atiqiyat miras obyektlerinde qanunsız şekilde qıdıruv işleri yapmaqUkrayina CQniñ 298-nci maddesiniñ 4-nci qısmıta qabaatlana. Şekil qabaatlı tanılsa, 5 yılğa mahküm etile bile.
Telegram, WhatsApp, Facebook, TikTok ve YouTubede Suspilne Qırım haberlerine abune oluñız
