İşğal etilgen Qırımda işğalcilerniñ mevamları ve arbiy obyektlerine qarşı USQniñ ücümleriniñ aqibetlerini derc etmek yasaq etildi. AMS, arbiy tehnika, patlavlarnıñ aqibetleri ya da dron ve raketalarnıñ kirsetilüvi aqqında malümatnı tarqatmağa yasaq etildi.
"Qırım Cumhuriyetiniñ yolbaşçısı" Sergey Aksönovnıñ ilân etkeni emirde bu malümat qayd etildi.
Vesiqağa binaen, Qırım toprağında kütleviy haber vastalarında, içtimaiy ağlarda ve messencerlerde er angi foto, video, geolokatsiya ve diger malümatnı tarqatmağa yasaq etile:
- RF Silâlı quvetleri bölükleriniñ mudafaa, silâ, tehnika ve muvaqqat yerleşüv noqtalarınıñ yerleşüvi;
- terroristik areketlerniñ, diversiyalarnıñ ve diger fevqulâde adiselerniñ aqibetleri;
- raketa, UUA, deñiz dronları ve diger robot sistemalarınıñ tüşmesi, patlavı ya da zarar körmesi.
İşğalli akimiyetniñ aytqanına köre, emir cemaat telükesizligini temin etmek, arbiy ve diger müim obyektlerniñ qoruvı içün qabul etildi.
Telegram, WhatsApp, Facebook, TikTok ve YouTubede Suspilne Qırım haberlerine abune oluñız
