Oraq ayınıñ 17-nde aqşam işğal etilgen Qırımda ava şaraitiniñ fenalaşması beklenile — sinoptikler küçlü yağmurlar, burçaq, yıldırım ve saniyede 25 metrge qadar yel tüşmesi aqqında ihtar eteler. Sakinlerge, ihtiyac olmasa, evden çıqmamağa ve telükesizlik qaidelerine riayet etmege çağıralar.
İşğalli Qırımnıñ FVN bu aqqında haber etti.
"Oraq ayınıñ 17-nde aqşam Qırımda şiddetli yağmurlar, burçaq, boranlı yağmurlar beklenile", — dep aytıla haberde.
Ava şaraiti kerginleşkeni sebebinden yerli sakinlerge evlerniñ yanındaki kanalizatsiyanı teşkermege ve temizlemege tevsiye eteler; reklama levhaları, zayıf qurulışlar, elektrik atları ve ağaçlarnıñ yanında bulunmamağa ve maşnalarnı qaldırmamağa tevsiye eteler; yalı kenarlarında ve suv anbarlarında yürmemege tevsiye eteler; deñizge çıqmamağa ve içki suv anbarlarında bulunmamağa tevsiye eteler.
Telegram, WhatsApp, Facebook, TikTok ve YouTubede Suspilne Qırım haberlerine abune oluñız
