Qırım Muhtar Cumhuriyetiniñ Apellâtsiya mahkemesiniñ sabıq mahkemecisi devlet hainligiUkrayina CQniñ 111-nci naddesiniñ 1-nci qısmı içün 13 yılğa mahküm etildi. Yarımada işğal etilgen soñ işğalli akimiyetke hızmetke keçti ve Rusiye kontrolindeki Qırım Cumhuriyetiniñ Yuqarı mahkemesinde çalışa.
Qırım Muhtar Cumhuriyeti ve Sevastopol (AqyarRusiye imperiyası ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki ad) şeeri prokurorlığı bunı bildirdi.
Tahqiqatnıñ malümatına köre, mahküm etilgen adam — Ukrayina vatandaşı, 2010 senesinden berli Qırım Muhtar Cumhuriyetiniñ Apellâtsiya mahkemesiniñ mahkemecisi olıp çalışqan edi. Qırım işğal etilgen soñ yarımadada qaldı ve Rusiye Federatsiyasınıñ mahkeme sistemasına qoşuldı. O, işğalli memuriyet tarafından qurulğan "Qırım Cumhuriyetiniñ Yuqarı mahkemesi"niñ "mahkemeci" vazifesini aldı, anda alâ daa çalışa.
Prokurorlıq qayd etti ki, bu areketler Ukrayina mahkeme sistemasınıñ Rusiye Federatsiyasınıñ yurisdiktsiyasına keçmesine yardım etti ve yarımadada işğalli mahkeme organlarınıñ çalışmasını temin etti.
Bugünge qadar Qırımdan devlet hainliginen qabaatlanğan 150 sabıq mahkemeci ğıyabiy şekilde mahküm etildi.
Qırım MC ve Sevastopol (Aqyar) şeeri prokurorlığı Suspilne Qırımğa añlattı ki, qabatalanğan adam olmadan mahsus makeme oturışları ("ğıyabiy ükümler") neticesinde çıqarılğan ükümler umumiy şekilde aqqını qazanalar. Yani apellâtsiya şikâyetnamesi berilmese, apellâtsiya şikâyetnamesini berüv müddeti (üküm çıqarılğan 30 kün soñ) bitecek soñ aqqını qazanır.
Apellâtsiya şikâyetnamesi berilse ve lâğu etilmese, apellâtsiya makemesi qarar alacaq soñ üküm aqqını qazana. Aynı zamanda adam tutulğan vaqıttan berli ceza müddeti başlap sayıla.
Telegram, WhatsApp, Facebook, TikTok ve YouTubede Suspilne Qırım haberlerine abune oluñız
