"Ateş" arbiy-partizan areketiniñ agentleri işğal etilgen Sevastopolda (AqyarRusiye imperiyası ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki adda) Rusiye Federatsiyasınıñ Qara deñiz flotunıñ gemisine yapılğan ücümniñ aqibetlerini qayd ettiler. Olarnıñ malümatına köre, Killen körfezi civarında Ukrayina mudafaa quvetleriniñ ücümi sebebinden zarar körgen gemiler tapıldı.
Areket Telegramda bunı bildirdi.
"Geminiñ üst qatında zarar körgen şeyler bar, işğalciler olarnı maskalav ağınen gizlemege tırışalar. Gemini çeküv katerlerinen beraber alıp keteler, gemiden suv alına — bu, iç bölüklerniñ suv basqanını ve korpusınıñ ciddiy zarar ketirgenini köstere bile. Bu, ücümniñ maqsadına irişkenini tasdıqlay", — dep aytıla areketniñ beyanatında.
Agentlerniñ malümatına köre, ücüm vaqtında gemi 13-ünci gemi tamirhanesinde edi. Geminiñ nomeri boyalğan edi.
"Qırım yeli" Telegram kanalı bildirdi ki, bu gemi 2024 senesi saban ayınıñ 24-nde raketa ücüminde zarar kördi.
Telegram, WhatsApp, Facebook, TikTok ve YouTubede Suspilne Qırım haberlerine abune oluñız
