İşğal etilgen Qırımnıñ sabıq "energetika naziri" duşmannen işbirlik içün mahkeme etilecek. O, 10 yılğa qadar apis cezası ve 15 yılğa qadar memuriy vazifelerni eda etmek yasağına mahküm etile bilir.
Qırım Muhtar Cumhuriyeti ve Sevastopol (AqyarRusiye imperiyası ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki ad) şeeri prokurorlığı bunı bildirdi.
Taqiqatnıñ malümatına köre, Ukrayina vatandaşı 2024 senesi arman ayında Rusiyenen işbirlik yapmağa razı oldı. "Qırım Cumhuriyeti yolbaşçısı"nıñ fermanınen onı "yaqarlıq ve energetika naziri" vazifesine tayinlediler. O, bu vazifeni o yıl orta küz ayına qadar eda etti. Qabaatlanğan adam Rusiye Federatsiyasınıñ energetika saasında siyasetini yerine ketirdi ve işğalli memuriyetniñ faaliyetini temin etti.
Onıñ areketleri duşmannen işbirlik faaliyetiUkrayina CQniñ 111-1-nci maddesiniñ 5-nci qısmı olaraq belgilene. Mahsus mahkemeden evel tahqiqatnı UHHniñ Bİniñ Qırım MCdeki İH keçirdi.
Telegram, WhatsApp, Facebook, TikTok ve YouTubede Suspilne Qırım haberlerine abune oluñız
