Vaqtınca işğal etilgen Qırımda Rusiye FSBsi "UHHniñ vazifesi boyunca qadın tarafından azırlanğan" "teraktnıñ ögüni alğanı"nı bildirdi. Rusiye mahsus hızmetiniñ malümatına köre, maqsadı Rusiye Mudafaa nazirliginiñ yüksek rütbeli zabitlerinden biri olacaq edi.
RİA "Novosti Krım", RF FSBniñ cemaat alâqaları merkeziniñ malümatına esaslanıp, bunı bildirdi.
FSBniñ versiyasına köre, 2000 senesi doğğan Rusiye ve Ukrayina vatandaşı "Ukrayina havfsızlıq hızmeti" tarafından Rusiye Mudafaa nazirliginiñ yüksek rütbeli zabitleri olğan maşnanı patlatmaq içün celp etilgen edi.
Qırımtatar maaliy merkezi bildirdi ki, tutulğan qız — mayıs ayınıñ 6-nda ğayıp olğan 24 yaşındaki Hatice Büyühçandır.
FSBniñ malümatına köre, "terakt" 2025 senesi mayısnıñ 9-na qadar yapılacaq edi. Mahsus hızmetniñ malümatına köre, qız "ğarbiy istisal patlayıcı cihazı"nı qullanacaq edi. O tutuldı, ve FSBniñ bildirgenine köre, ondan patlayıcı maddeler alındı.
Rusiye tarafı, bu operatsiyanı azırlağan "UHHniñ ukrayin hadimleri" tapılğanını bildirdi. "Terroristik areket" ve "devlet hainligi" içün apiske alınğan qadınğa qarşı cinaiy davalar açıldı.
Bu malümat derc etilgende Ukrayina memurları tefsir etmediler.
Hatırlatamız ki, Qırımda işğalli quvetçiler 24 yaşındaki qırımtatar Hatice Büyühçannı tuttılar. Qırımtatar maaliy merkeziniñ malümatına köre, mayısnıñ 6-nda o, Eski Qırımdan Simferopolğa (AqmescitRusiye imperiyası ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki adke) ketken avtobusqa mindi — bundan soñ onen bağ yoq oldı. Mayısnıñ 7-nde Hatice tapılğanı belli oldı, amma onıñ bulunğan yeri ya da tutulğan sebebi aqqında resmiy bir malümat yoq.
Telegram, WhatsApp, Facebook, TikTok ve YouTubede Suspilne Qırım haberlerine abune oluñız
