Aqşam saat 16:00 qadar Qırım köpürinde 1545 avtomobil nevbetke toplandı. Rusiyeniñ Taman tarafından 915 maşnası bekley. İşğal etilgen Kerç (Keriç)Rusiye imperatorlığı ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki adı tarafından – 630. Beklev vaqtı tahminen eki saat.
Bu aqta köpürdeki vaziyetnen bağlı operativ malümatlarnıñ Telegram kanalı haber ete.
Monitoring Telegram kanalınıñ malümatlarına köre, oraq aynıñ 13-te saba tıqıntılar peyda oldı, hususan, saba saat 6-ğa qadar 902 maşnası teşkerüvni bekley edi.
Afta devamında, hususan, oraq aynıñ 7, 10, 11 künleri köpürde biñden ziyade maşna nevbetleri qayd etildi.
Hatırlatayıq ki, "ATEŞ" areketiniñ agentleri işğal etilgen Qırımnıñ Kerç (Lenin)Rusiye imperatorlığı ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki adı rayonınıñ Uvarov köyü yanında demiryolğa diversiya yapqanları aqqında haber ettiler. Qırım köpürinden keçken qısımda çıtası yoq etildi.
Kiraz aynıñ 3 UTH, Qırım köpürinde mahsus ameliyatını keçirdi: onı urdılar, ve bunıñ içün anahtar direkleri yanında eki kere 1100 kilogrammlıq patlatıcı maddeler qoyuldı. Böyleliknen, tirevlerniñ suv astı qısımları tübü seviyede zararlanğan edi. Bu aqta jurnalistlernen subet vaqtında UTH reisi Vasiliy Malük tarif etti.
RİA "Novosti Krım" haber etkeni kibi, Qırım köpürinde yol havfsızlığınıñ quvetleştirilgen tedbirleri yerine ketirile, er bir naqliyat ve yolcularnıñ yükü teşkerüvge oğray.
Telegram, WhatsApp, Facebook ve YouTube-ta Suspilne Qırım haberlerine abune oluñız
