İşğalli Qırım Cumhuriyeti Devlet Şurasınıñ reisi bir sıra cinaiy areketlerde, hususan Ukrayinağa qarşı istilâ cenki çağırışlarında şübheli sayıla. Tahqiqat malümatına köre, 2023 senesi yarımadanıñ vaqtınca işğalini açıqtan aqlağan edi ve Rusiyege qoltutqan ikâyelerni matbuat vastaları vastasınen tarqatqan edi.
Qırım Muhtar Cumhuriyeti ve Sevastopol (AqyarRusiye imperiyası ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki ad) şeeri prokurorlığı bunı bildirdi.
Şübeli 2014 senesi saban ayından berli Qırım Cumhuriyetiniñ Devlet şurasınıñ yolbaşçısı ola. Onıñ areketleri Ukrayina devlet sıñırınıñ deñiştirilmesine çağıruvlarUCQniñ 110-ncı maddesiniñ 1-nci qısmı, duşmannen işbirlik faaliyetiUCQniñ 111-1-nci maddesiniñ 6-ncı qısmı, cenk teşviqatıUCQniñ 436-ncı maddesi, em de Rusiye Federatsiyasınıñ silâlı tecavuzını aqlav ve red etüv, Rusiye silâlı birleşmelerini kütleviy haber vastaları vastasınen şereflendirüvUCQniñ 436-2-nci maddesiniñ 3-nci qısmı olaraq tasnif etildi.
Tahqiqatnıñ malümatına köre, 2023 senesi şübheli Rusiye tarafdarı olğan "Millet" telekanalına bir qaç intervyu berdi. Olarda o, Qırım işğaline qol tuttı, yarımadanı "Ekinci cian cenkiniñ neticelerine köre Rusiye Federatsiyasınıñ terkibine qanuniy olaraq kirgen" topraq olaraq tanıdı, em de Ukrayinağa qarşı arbiy areketlerniñ devam etmesine qol tutqanını bildirdi.
Hususan, o, Rusiyeniñ silâlı tecavuzını Ukrayinanıñ "denatsizatsiyası" ve "arbiyleştirilüvi", em de "Rusiyeni Ğarp tarafından telükeden qorçalav" kerekliginen esasladı. Tahqiqat, ukrayin topraqlarını zapt etüv çağıruvlarını da qayd etti.
Şübeli 12 yılğa qadar apis cezasını ala bile. O, AQŞ, Kanada, Yaponiya, Avropa Birligi, Büyük Britaniya, İsviçre ve diger memleketlerniñ sanktsiyaları altında buluna.
Suspilne Qırımnıñ öz menbalarından Volodımır Konstantinov aqqında laf ketkeni belli oldı.
Telegram, WhatsApp, Facebook, TikTok ve YouTubede Suspilne Qırım haberlerine abune oluñız
