Eñ yaş qırımlı siyasiy mabusı Appaz Kurtamet on kün devamında — kiraz aynıñ 18-den kiraz aynıñ 28-ne qadar — Pskov vilâyetindeki müstemlekesiniñ cezaiy tahqiqat tevqifhanesinde tutuldı.
Bu aqta onıñ anası Ayşe Kurtamet, Facebook-ta bildirdi. Onıñ aytqanına köre, ceza bermek içün iç bir esas yoq edi.
"Appaz yaş, terbiyeli ve dostane yigit, o, etraftakilerden yaramay munasebetten iç bir vaqıt şikâyetlenmegen. Amma apishanelerniñ qaideleri öyle ki, bütün zorbalıq ve horlav usulları "izin berilgen" dep sayılmaqtadır. Apishanelerde planlaştırılğan izolâtsiya sadece devamlı olaraq keçirile, buña ayrı bir sebebi kerek degil. Bütünley horlamaq içün igrenç botqanen quru tabanda. Töşekni tek gecelemek içün ketirdiler — bu müsbetlerden biri edi. Ekinci müsbeti – kitap oqumaq imkânı", — dep yazdı o.
Hatırlatamız ki, işğalciler Appaz Kurtametni Ukraina göñülliler batalyonını malletleştirüvinde qabaatlap, 10 yılğa mahküm ettiler.
O, 2024 senesi ilk qış ayında Pskov vilâyetindeki "Sosnovıy bor" müstemlekesine keçirilgen.
2025 senesi saban ayında Appaz Kurtametniñ anası Türkiye prezidenti Recep Tayip Erdoğanğa oğlunı azat etmek içün yardım sorağan video muracaatını yazdı.
Appaz Kurtametniñ tutulması aqqında ne bilemiz
2022 senesi oraq ayınıñ 23. künü Appaz Kurtamet Novooleksiyivka qasabasından Qırımğa aqrabalarına ketti. “Çonğar” KÇKNda aqrabalarınen bağını coydı.
Birazdan belli oldı ki, RF Cinaiy qanunamesiniñ 208. maddesiniñ 1. qısmına binaen Appaznı terror teşkilâtına para bermege qabaatlağan rus quvetçileri oğlannı tuttılar. Taqiqatçılarnıñ sözlerine köre Appaz, "Noman Çelebicihan adına batalyon"da hızmet etken tanışına borc 500 grivna berdi.
Qırımtatar Maaliy Merkezi haber berdi ki, bu "dava"da qabaat, "gizlengen şaatlar"nıñ sözlerine ve rus quvetçilerinen faalca çalışqan böyle degen "mütehassıslar"nıñ neticesine esaslana. Davanen bağlı oturışlar, halqara uquq qaidelerini ciddiy şekilde bozdı, dep Merkez belley.
Umumen belli oldı ki, işğalli makeme Kurtamet içün 10 senelik üküm soradı.
2023 senesi çiçek ayınıñ 20. künü RF tarafından teşkil etilgen Aqmescit makemesi Appaz Kurtametni ukrain göñülli batalyonına para bermege qalaatlap, yedi senege maküm etti.
Telegram, WhatsApp, Facebook ve YouTube-ta Suspilne Qırım haberlerine abune oluñız
