"Sarı şerit" cemaat areketi bildirdi ki, Qırımnıñ bir qaç şeerinde Rusiye işğaline qarşı yañı aktsiyalar keçirildi. Faalciler bu şeerlerde ukrayin timsallerini tarqattılar.
Oraq ayınıñ 2-nde areket, öz Telegram kanalında bunı bildirdi.
Hususan, Simferopoldaki (AqmescitRusiye imperiyası ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki adteki) işğalli Qırım parlamentiniñ yanında, Sevastopol (AqyarRusiye imperiyası ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki ad), Yevpatoriya (KezlevRusiye imperiyası ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki ad), Yalta, Saq şeerleri ve diger meskün yerlerniñ soqaqlarında Ukrayina tarafdarları aktsiyaları keçirildi.
"Er kün qarşılıq daa da küçlü ola. Çünki Qırım — Ukrayinadır!" — dep "Sarı şerit" koordinatorları qayd ettiler.
Hatırlatamız ki, ilk yaz ayınıñ 28-nde, Ukrayina Anayasası kününe, "Sarı şerit" areketiniñ iştirakçileri vaqtınca işğal etilgen topraqlarda, hususan, Qırımda, narazılıq aktsiyasını keçirdiler. Faalciler Simferopol (Aqmescit), Sevastopol (Aqyar), Yalta, Yevpatoriya (Kezlev), Bağçasaray ve Ermeni Bazar şeerlerinde işğalge qarşılıq timsallerini tarqattılar.
Telegram, WhatsApp, Facebook, TikTok ve YouTubede Suspilne Qırım haberlerine abune oluñız
