İşğalli akimiyet, havflı gidrometeorologik adiseler telükesi sebebinden, işğal etilgen Qırımda oraq ayınıñ 1-3 künleri furtuna havfı ilân etti. Yarımadanıñ cenübiy, şarqiy ve ğarbiy rayonlarında fevqulâde yanğın telükesi tahmin etile.
İşğalli Qırım FVN bu aqqında haber etti.
"Qırım gidrometeorologiya ve etraftaki müit monitoringi idaresiniñ malümatına köre, 2025 senesi oraq ayınıñ 1 - 3 künleri ğarbiy, cenübiy rayonlarda, Qırım dağlarında ve Simferopol suv basuvı olacaq. Sevastopol fevqulâde yanğın telükesi astında qala, şarqiy rayonlarda fevqulâde yanğın telükesi beklenile", — dep aytıla haberde.
Hatırlatamız ki, mayıs ayınıñ 1-nden yarımadada mahsus yanğınğa qarşı rejim çalışmaqta. İşğalli akimiyet ormanlarğa barmağa sıñırladı. Milliy muqavemet merkeziniñ qayd etkenine köre, bu yasaqlarnıñ asıl sebebi orman alanlarında yerleşken arbiy obyektlerniñ havfsızlığı içün olğan qorqu ola bile.
Telegram, WhatsApp, Facebook, TikTok ve YouTubede Suspilne Qırım haberlerine abune oluñız
