Ukrayina mahkemesi, devlet hainligiUkrayina CQniñ 111-nci maddesiniñ 1-nci qısmı içün Qırımdan dört sabıq mahkemecini 13 yıldan 15 yılğa cezasına mahküm etti.
İlk yaz ayınıñ 30-nda Qırım Muhtar Cumhuriyeti ve Sevastopol (AqyarRusiye imperiyası ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki ad) şeeri prokurorlığı bunı bildirdi.
Mahkemede prokurorlar, Qırım yarımadası işğal etilgen soñ, mahküm etilgenler Ukrayina halqına sadıqlıq antını bozıp, RFa keçkenlerini isbatladılar.
Olar işğal etilgen Qırım Yuqarı mahkemesiniñ, Aluşta mahkemesiniñ, Sevastopol mahkemesiniñ ve Sevastopol Gagarin rayon mahkemesiniñ "mahkemeleri" oldılar.
"Femida hızmetçileri" öz areketlerinen yarımadada işğalli mahkeme akimiyetiniñ çalışmasını temin ettiler ve istilâcı devletniñ vekillerine Ukrayinağa qarşı bozuv faaliyetini alıp barmaqta yardım ettiler", — dep muhtariyet prokuraturorlığı qayd etti.
Hatırlatamız ki, hususan, faalciler, jurnalistler ve cenk esirlerine qarşı repressiyalarda iştirak etkeni içün Ukrayina keçken sene Qırımnıñ 72 işğalli mahkemesini ğıyabiy şekilde mahküm etti. Antını bozğan mahkemeciler aqqında tafsilâtlıca Suspilne Qırımnıñ malümatında oquñız.
Qırım MC ve Sevastopol (Aqyar) şeeri prokurorlığı Suspilne Qırımğa añlattı ki, qabatalanğan adam olmadan mahsus makeme oturışları ("ğıyabiy ükümler") neticesinde çıqarılğan ükümler umumiy şekilde aqqını qazanalar. Yani apellâtsiya şikâyetnamesi berilmese, apellâtsiya şikâyetnamesini berüv müddeti (üküm çıqarılğan 30 kün soñ) bitecek soñ aqqını qazanır.
Apellâtsiya şikâyetnamesi berilse ve lâğu etilmese, apellâtsiya makemesi qarar alacaq soñ üküm aqqını qazana. Aynı zamanda adam tutulğan vaqıttan berli ceza müddeti başlap sayıla.
Telegram, WhatsApp, Facebook, TikTok ve YouTubede Suspilne Qırım haberlerine abune oluñız
