Qırımnıñ işğal mahkemeleri "satqınlıqta" qabaatlavlar boyunca ükümlerni ilân etmege devam eteler. Ukrainağa yardım bildirüvler, içtimaiy ağlardaki Rusiye havfsızlıq küçleri "ekstremist" dep sayğan yazılar taqip içün esastır. Diniy cemiyetlerniñ azaları ve jurnalistlerniñ taqipleri devam ete.
İşğalci havfsızlıq küçleri "mahkemelerge" "Ukraina mahsus hızmetleriniñ emirinen diversiya" yapqan qabaatlav işlerini muracaat eteler. Bundan da ğayrı, teşviqat maqsadınen işğalciler balalarnı ayırıp, "ağır işke terbiyelemek" sebebi ile olarnı çalışmağa mecbur eteler. Suspilne Qırım, kiraz aynıñ 23-29 aftası içinde Qırım sakinlerine dair qanunsız tutuvlar ve cezalar aqqında belli olğan er şeyni topladı.
Qırımda balalarnı Ukrayinağa qarşı cenkleşken işğalcilerniñ abidelerini temizlemege mecbur eteler — MMM
İşğal etilgen Sevastopolda (Aqyarda)Rusiye imperatorlığı ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki adı "gubernatorlıq mektep iş taqımları" çalışıp başladı. Yaz tatillerinde balalarnı "SVO qaramanları"na bağışlanğan abideleri ve şeer bağçalarını temizlemege mecbur eteler.
Milliy muqavemet merkezi bunı bildirdi.
"Balalar raatlanmaq yerine işğalli memuriyet içün çalışmağa mecburlar. Tek parklarnı degil de, Ukrayinağa qarşı cenkleşken işğalciler olğan "SVO qaramanları"na bağışlanğa abidelerni, şeer bağçalarını temizleyler. "Çalışqırlıq terbiyesi" laflarınıñ artında adet üzre qullanuv ve teşviqatta iştirak etüv mecburiyeti bar. Bala ellerini "halqnıñ cenkke qoltutuvı" içün qullanalar", — dep MMM bildirdi.
Qırımnıñ Keriç şeerinde adamnı "Yehova şaatları" diniy birleşmesiniñ toplaşuvlarını teşkil etkeni içün mahkeme etecekler
İşğal etilgen Qırımnıñ Keriç şeerinde yaşağan 53 yaşındaki adamnı "Yehova şaatları" diniy birleşmesiniñ faaliyeti içün mahkeme etecekler. Davanı işğalli Keriç şeer mahkemesi baqacaq.
İşğalli Qırım prokurorlığı bunı bildirdi.
"Tahqiqatnıñ versiyasına köre, mahkeme qararına köre faaliyet köstergen yerli diniy teşkilât aşırıcı olaraq tanılıp yoq etilgenini bilip, qabaatlanğan onıñ faaliyetine qarşı faaliyet köstermege devam etti", — dep aytıla haberde.
İşğalciler "Serğiy Aksönovğa qarşı suiqast" davasınıñ mabüsini 13 yılğa üküm ettiler
İşğalli Qırım yolbaşçısı Serğiy Aksönovğa qarşı yapılğan suiqast davasınıñ ekinci mabüsi Volodımır Bondar 13 yıl apis cezasına mahküm etildi.
RİA ''Novosti Krım'' bunı bildirdi.
"Volodımır Bondar ilk üç yılını apishanede, qalğanını — sert rejimli müstemlekede keçirecek. Bundan da ğayrı, 500 biñ rublelik para cezasını ödemeli", — dep aytıla haberde.
Lütfiye Zudiyeva Rusiyeniñ "yabancı agentler cedveli"ne kirsetilgeni içün davalaşa
"Gratı" neşriniñ jurnalisti, Qırım uquq qorçalayıcısı ve faalcisi Lütfiye Zudiyeva Rusiye Federatsiyasınıñ Adalet nazirligine qarşı Rusiyeniñ "çetel agentleri cedveli"ne kirsetilmesi boyunca dava açtı.
O, bunı Facebookta bildirdi.
"Rusiye Adalet nazirliginiñ meni "çetel agentleri" cedveline kirsetmek içün uquqiy sebebi yoq edi, şikâyet etilgen emir ise qanunsız ve temelsizdir", — dep yazdı o.
Keriçte işğalciler RF arbiy aliy oquv yurtlarına talebelerni çağıralar — Qırım platforması
İlk yaz ayınıñ 16-nda işğal etilgen Keriçte yerli studentlerni Rusiye Mudafaa nazirligine boysunğan RFınıñ aliy arbiy oquv yurtlarına oqumağa celp etmek vazifesinde bulunğan "çıqış gruppası" çalışıp başladı. Bu "reyd" oraq ayınıñ 11-ne qadar devam etecek.
"Qırım platforması" teşebbüsiniñ saytında bu aqqında haber etildi.
"Vaqtınca işğal etilgen Keriçte Rusiye işğalli quvetleri yerli studentlerni Rusiye Mudafaa nazirligine boysunğan aliy arbiy oquv yurtlarına çağırmağa başladı. 2025 senesi il yaz ayınıñ 16-dan oraq ayınıñ 11-ne qadar şeerde, işğalci devletniñ arbiy aliy oquv yurtlarında tasil almaq içün namzetlerni ihtisasiy saylavdan keçirgen çıqış gruppası çalışa", — dep "Qırım platforması" haber berdi.
Qırımğa işğal etilgen Zaporijjâ vilâyetinden balalarnı alıp kettiler ve ana-babalarına telefon etmege yasaq ettiler
İşğalli akimiyetniñ Zaporijjâ vilâyetiniñ işğal etilgen qısmından mektep talebelerini alıp ketkeni Yevpatoriya (Kezlev)Rusiye imperatorlığı ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki adı civarındaki bala lagerinde balalarğa telefon qullanmağa ve ana-babalarına telefon etmege izin berilmey. Mektep talebeleri Qırımda eki afta qalacaqlar.
"Qırım platforması" teşebbüsiniñ saytında bu aqqında haber etildi.
Qorantalarnen bütün alâqalar "vojatlar" tarafından nezaret etile, uquq qorçalayıcılarnıñ aytqanına köre, bu ise balalarnı izolâtsiya ete ve olarnıñ telükesiz munasebet aqqını sıñırlay.
"Balalarğa telefonlarnı qullanmağa ve ana-babalarına öz başına telefon etmege yasaq etile: er angi subet tek reberler vastasınen keçirile. Bu sıñırlavlar balalarğa destek, şikâyet ya da tuvğanlarınen bağ tutmaq imkânını bermey", — dep "Qırım platforması" teşebbüsiniñ saytında haber etildi.
İşğalciler Qara deñizde diversiya yapqanında qabaatlanğan adamnı 23 yılğa üküm ettiler
Herson vilâyetiniñ ukrayin nezaretinde olmağan qısmındaki işğalli mahkeme adamnı Qara deñizde diversiya azırlağanında qabaatlap, sert rejimli müstemlekede 23 yılğa üküm etti. Rusiye kontrolindeki taqiqatnıñ malümatına köre, o, gaz platformasını patlattı.
Herson vilâyetiniñ işğalli prokurorlığı bunı bildirdi.
"2024 senesi qara qış ayında diversiya faaliyetini kerçekleştirüv boyunca azırlıq kördi. Silâlı taqımnıñ erkânında adam Qara deñizniñ cenübiy-ğarbiy qısmında Qırım şirketine ait deñiz platformasını patlattı. Neticesinde o, qullanuv içün yaramay oldı. 2024 senesi kiçik ayda o qanunsız şekilde Rusiye sıñırından keçip, Herson vilâyetinde Qara deñiz yalısındaki mayak kompleksini bozdı", — dep aytıla haberde.
İşğalciler Qırım sakinini "arbiy bölükler aqqında malümat toplağanı" içün tuttılar
Qırımda işğalciler Simferopol (Aqmescit)Rusiye imperatorlığı ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki adı rayonınıñ sakinini arbiy qısımlar aqqında malümat toplağanında qabaatlap yaqaladılar. Cinaiy dava çetel teşkilâtınen işbirlik içün açıldı.
RİA "Novosti Krım" bunı bildirdi.
Rusiye nezaretindeki tahqiqatnıñ malümatına köre, o, Telegram vastasınen UHHnen bağ tuttı ve öz kuratorınıñ emirinen Qırımnıñ naqliyat astyapıları ve arbiy bölüklerniñ yerleşüvi aqqında malümat topladı. İşğalciler onda saqlanğan patlayıcını tapqanlarını da iddia eteler.
"Terror faaliyetinde qullanmaq maqsadınen patlayıcı aletni öz başına yapmaq içün 1 kilogrammdan ziyade ağırlığında patlayıcı maddeni gizlemek ıntıluvı esnasında adam tutuldı", — dep aytıla haberde.
Qırımda eki Sevastopollı "devlet hainligi" ve "gaz borusında diversiya azırlağanı" içün mahkeme etilecek
İşğal etilgen Qırımda quvetçiler eki Sevastopol (Aqyar)Rusiye imperatorlığı ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki adı sakinini "Ukrayina istihbaratınıñ emirinen gaz borusını patlatmağa tırışqanı"nda qabaatladı. Onıñ "devlet hainligi" davası işğalli mahkemege berildi.
İğalli Sevastopol (Aqyar)Rusiye imperatorlığı ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki adı prokurorlığı bunı bildirdi.
"Sevastopolda yaşağan tutulğanlardan biri, internet mesencereleri yardımınen UMNniñ Bİİniñ temsilcilerinen qonuşa edi. 2023 senesi oraq-arman aylarında olarnıñ davetine Kıyivde diversiya azırlığını kördi. Evge qaytqan soñ, adam Ukrayina mahsus hızmetiniñ vekiliniñ vazifesine köre, uzaqtan çalıştırıla bilgen eki patlav cihazını azırladı. 2024 senesi oraq ayında o, Sevastopolnıñ Balıqlava rayonında gaz borusına cihazlardan birini yerleştirdi", — dep aytıla haberde.
Qırımda qadınnı içtimaiy ağlarda "aşırıcılıq"maddesine binaen mahküm ettiler
Qırımda işğalciler içtimaiy ağlardaki tefsirleri içün qadınnı şartlı olaraq apis cezasına mahküm ettiler. İşğalli quvetçilerniñ aytqanlarına köre, Qırım sakini "ruslarnı öldürmege çağıra edi".
İşğalli Qırım prokurorlığı bunı bildirdi.
"2022 ve 2023 seneleri qabaatlanğan şahıs içtimaiy ağlarda milliy gruppalarğa nisbeten zorbalıq areketlerine çağıruvlarnı derc etti", — dep aytıla haberde.
Telegram, WhatsApp, Facebook ve YouTube-ta Suspilne Qırım haberlerine abune oluñız
