Rusiye işğalcileri tarafından 18 yılğa mahküm etilgen "Aluşta" din cemiyetiniñ sabıq azası Ruslan Mesutov, Yakutsk şeerine avuştırılğan soñ yarım yıldan ziyade ceza mahkemesinden azat etilmey. Bu vaqıt içinde qırımlı siyasiy mabüsiniñ sağlığı bayağı zayıflaşa.
Bu aqta "Qırım birdemligi"ne siyasiy mabusınıñ qız qardaşı Liliya Mesutova tarif etti.
Ruslar 59 yaşındaki qırımtatarnı 2024 senesi boş ayından başlap ceza hanesinde tutalar. Ruslan Mesutov qız qardaşına yazğan mektübinde Yakutsk şeerindeki ceza müessisesine kelgen soñ, onı cezahanesinden iç bir vaqıt azat etmegenlerini yazdı.
"O, tevqiften iç çıqmay. Yarım yıldan ziyade apiske kelgeninden berli çıqmay", – dedi Liliya Mesutova.
Mektüpte Ruslan Mesutov da sağlığına, yürek ağrısına şikâyetlendi. Ayaqları pek ağıra, damarları patlay, lâkin apishane ekimleri iç bir şey yapmaylar.
"Eñ qıyını şusı ki, er şeyge ayaq üstünde turıp dayanmaq kerek. Zaten, saba saat 5-te töşeklerni divarğa bağlaylar ve aqşam saat 9-ğa qadar tüşürmeyler", – yazğan mektüpte Ruslan Mesutov.
Qırımtatarnıñ aptesi aytqanına köre, üç ay evelsi, yani saban ayınıñ ortalarında bu erkek esini coyğan soñ hastahanege ketirilgen edi. Soñ yüreginde şiddetli ağırılar başlandı. Lâkin bir afta içinde planlaştırılğan üç aftalıq tedaviy yerine, onı müstemlekege qaytarıp, KSYMKameralı soylarındakilerinden yekâne müessisesi – "cezasınıñ tayin etilgen tertibini" bozğan tevqif astında bulunğanlarına dair RF tarafından qullanılğan usullarından biridir.-ne yerleştirdiler.
Evelden haber etkenimiz kibi, Mesutovnıñ Yakutiyağa seyaatı eki ay sürgen, ondan soñ onı ceza tahqiqat tevqifhanesine yerleştirdiler. Müstemlekege ketken yolda Ruslandan bütün şahsiy şeyleri, şu cümleden Quran ve közlüklerni aldılar.
Ruslan Mesutov aqqında ne bilemiz
Mesutov Aluştada musulman diniy cemiyetiniñ tesisçilerinden biri edi ve camide qaravul olıp çalıştı. Em de cemaat faaliyetinen oğraşa, musulman bayramlarını teşkil ete edi, cenazelerge yardım ete, namaz keçire edi.
2019 senesi bozarğan aynıñ 10-nda Qırımda Aluştada dört qırımtatar — Ruslan Nağayev ve Eldar Kantimirov, Küçük Mayak (Büyük Lambat) köyünde — Ruslan Mesutov, İzobilne (Körbekül) köyünde — "Aluşta" yerli din cemiyetiniñ reisi Lenur Halilov tutuldı.
Qırımtatar adamı, terror teşkilâtınıñ faaliyetini teşkil etüvde (RF Cinayet qanunnamesiniñ 205.5 maddesiniñ 1-inci qısmı) ve akimiyetni zorbalıqnen zapt etüvge azırlanuvda (RF Cinayet qanunnamesiniñ 30-ıncı maddesiniñ 1-inci qısmı ve 278-inci maddesi) qabaatlandı.
"Aluşta" din cemiyetiniñ azası Ruslan Mesutov "Aluşta"nıñ davası baqılacaq makeme oturışından eki afta evelsi apiske alındı. Dava, Lenur Halilov yolbaşçılığındaki cemiyetke Nazirler Şurasınıñ emirinen şeer camisi berilgeni sebebinden açıldı. Bu daa 1994 senesi oldı. Daa soñra, teslim etüv aktını lâğu etmeden, cami Qırım musulmanları diniy idaresine (QMDİ) berildi.
Bu davada meraqlanğan şahıslar olaraq Qırım Mülkiyet nazirligi, QMDİ, millet ve din meseleleri devlet eyyeti çıqışta bulundı.
2 yıldan soñ 2021 senesi arman ayınıñ 16-nda Roman Saprunovnıñ yolbaşçılığında Cenübiy bölgeniñ arbiy makemesi "Hizb ut-Tahrir davası"nıñ Aluşta gruppasınıñ mabüslerine üküm çıqardı. Ruslan Nağayev, Eldar Kantimirov, Ruslan Mesutov ve Lenur Halilov terrorizmde qabaatlanıp, 13, 12 ve 18 yıl apis cezasına maküm etildi.
Daa soñra Moskva vilâyetiniñ Vlasisa şeerindeki Apellâtsiya arbiy makemesi, "Hizb ut-Tahrir davası"nıñ Aluşta gruppası mabüsleriniñ imayecileriniñ şikâyetlerini qanaatlendirmedi ve ükümni amelde qaldırdı.
Telegram, WhatsApp, Facebook ve YouTube-ta Suspilne Qırım haberlerine abune oluñız
