Qırımdan üç işğalli mahkemecige devlet hainligiUkrayina CQniñ 111-1-nci maddesiniñ 7-nci qısmınde şübhe bildirildi. Olar 15 yılğa qadar apis cezasını ala bileler.
Qırım Muhtar Cumhuriyeti ve Sevastopol (AqyarRusiye imperiyası ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki ad) şeeri prokurorlığı bildirdi.
"Tahqiqatnıñ malümatına köre, 2022-2024 seneleri Ukrayina vatandaşları yarımadada faaliyet köstergen işğalli mahkeme organlarında çalışmağa razı oldılar. Şu cümleden, olardan biri "Qırım Cumhuriyeti Arbitraj mahkemesiniñ mahkemecisi" vazifesini, daa ekisi ise işğal etilgen Sevastopol şeer mahkemesiniñ "mahkemecisi" ve "başınıñ muavini" vazifelerini aldı", — dep aytıla haberde.
Öz areketlerinen olar Qırımdaki işğalli mahkeme sistemasınıñ çalışmasına yardım ettiler. Prokurorlıq qayd etti ki, Ukrayina Anayasasınıñ 62-nci maddesine binaen, şahıs cinayet işlegeninde qabaatsız sayıla ve qabaatı qanuniy şekilde isbatlanıp, mahkeme qararınen belgilenmegence, cinaiy cezağa oğratılmay.
Telegram, WhatsApp, Facebook, TikTok ve YouTubede Suspilne Qırım haberlerine abune oluñız
