İşğal etilgen Qırımda kiraz aynıñ 21-den 24-ke qadar yarımadanıñ ğarbiy ve cenübiy vilâyetlerinde fevqulâde yanğın havfı olacağı aqqında bildirile.
Bu aqta Rusiye Fevqulâde vaziyetler nazirliginiñ Qırımda işğalci baş idaresi, öz Telegram kanalında kiraz aynıñ 21 künü bildirdi.
"Qırım gidrometeorologiya ve etraf müit nezareti idaresiniñ malümatlarına köre, kiraz aynıñ 21-24 künü Qırımnıñ ğarbiy rayonlarında ekstremal yanğın havfı qalır, cenübiy vilâyetlerde ise ekstremal yanğın havfı beklenile", – denile beyanatta.
Hatırlatamız ki, yarımada territoriyasında mayısnıñ 1-den başlap yanğınnıñ ögüne keçüvniñ mahsus rejimi çalışmaqta, hususan, işğalciler ormanlarğa baruvnı sıñırladılar.
Milliy tirenüv merkeziniñ mütehassıslarınıñ aytqanlarına köre, yasaqnıñ asıl sebebi, ormanlarda yerleşken arbiy obyektlerni coymaq qorqusıdır.
Telegram, WhatsApp, Facebook ve YouTube-ta Suspilne Qırım haberlerine abune oluñız
