İşğalli Qırım Yuqarı mahkemesine Simferopol (AqmescitRusiye imperiyası ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki ad) sakinine qarşı "devlet hainligi"nde qabaatlav davası yollanıldı. İşğalciler, 2023 senesi boş ayda Feodosiya (KefeRusiye imperiyası ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki ad) civarında neft mahsulatlarını taşığan trenniñ qabul noqtasına qadar areket etkenine dair malümat toplağanını iddia eteler.
İlk yaz ayınıñ 20-nde işğalli Qırım prokurorlığı öz Telegram kanalında bunı bildirdi.
"Mahkme" bildirdi ki, Qırım sakini, videonen beraber, Ukrayina Mudafaa nazirliginiñ Baş istihbarat idaresiniñ çatbotuna neft terminalınıñ koordinatlarını berdi.
Hatırlatamız ki, Qırım sakinlerini Ukrayina tarafdarı olğanları içün taqip etken işğalli mahkemeciler Ukrayinada devlet hainligi içün ğıyabiy cezalarnı alalar. Ukrayina havfsızlıq hızmetiniñ malümatına köre, keçken sene 72 insan mahküm etildi, hususan faalciler, jurnalistler ve cenk esirlerine qarşı repressiyalarda iştirak etkeni içün. Suspilne Qırımnıñ malümatında bu aqqında tafsilâtıca oquñız.
Daa evel Avropa insan aqları mahkemesi Rusiyeni söz serbestliginiñ sistematik basqısı ve Ukrayinağa qarşı cenkni tenqit etken insanlarnıñ taqip etilmesinde qabaatlı tanıdı. Avropa insan aqları mahkemesi ayrı qayd etti ki, Qırımdaki işğalci mahkemelerniñ bütün "qararları" qanunsızdır.
Telegram, WhatsApp, Facebook, TikTok ve YouTubede Suspilne Qırım haberlerine abune oluñız
