"Ateş" arbiy-partizan areketiniñ agentleri işğal etilgen Qırımda arbiy müendislik tehnikasınıñ areketini qayd ettiler. Hususan, Feodosiya (KefeRusiye imperiyası ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki ad) ve Canköy arasındaki qısımda.
Areket Telegramda bunı bildirdi.
"İşğalciler, Dnipro özenini keçmek içün Herson vilâyetine maşnalar ketkenine dair yañlış malümat tarqatalar. Asılında, duşman, Ukrayina Mudafaa quvetlerini aldatmağa ve kerçek niyetlerini gizlemege tırışıp, büyük tehnikiy kolonnalarnı keçip, bunıñ içün bayağı yaqıt masraf etti", — dep aytıla haberde.
Bu faaliyet "ATEŞ" agentlerine işğalcilerniñ müendislik tehnikası yerleşken yerlerni tapmağa yardım etti, dep areket iştirakçileri yazdılar.
Malümat Ukrayina Mudafaa quvetlerine berildi.
Telegram, WhatsApp, Facebook, TikTok ve YouTubede Suspilne Qırım haberlerine abune oluñız
