Ukraina Qaramanı unvanı Ukraina Prezidenti tarafından ölümden soñ Bİİ "Artan" mahsus bölüginiñ cenkçisi Yuriy Balançukqa berildi. O, 2023 senesi orta küz aynıñ 4 Qara deñizdeki cenk vaqtında duşman qayıqlarından birisini urıp elâk oldı, bu ise onıñ arqadaşlarınıñ evakuatsiyasını temin etti.
Bu aqta Ukraina Mudafaa nazirliginiñ Baş istihbarat idaresinden haber ettiler.
Yuriy Balançuknıñ Bİİ UMN-niñ "Artan" bölüginde "Babah" lağabı bar edi. O, bölükniñ çoqtan-çoq mahsus operatsiyalarında iştirak ete, bunıñ neticesinde ukrain askerleri işğalci ordunıñ bir sıra yüksek ofitserlerini yoq eteler, bazılarını esir alalar.
Yuriy Qara deñizdeki "Tavrida" ve "Petro Godovanets" yermay platformalarını da Ukrainanıñ nezareti altına qaytara. 2023 senesi orta küz ayında vaqtınca işğal etilgen Qırımda mahsus arekette iştirak etti. 2023 senesi orta küz aynıñ 4 Qara deñizdeki cenk vaqtında duşman qayıqlarından birini urıp elâk oldı. Bu areketnen o, qardaşlarınıñ evakuatsiyasını temin etti.
"Onıñ qardaşları Yuriyni samimiy, açıq ve işançlı insan olaraq hatırlaylar. O, özüne talapkâr edi ve olarnıñ yüreklerinde öz işine berilmek ve zenaatperverlik nümünesi olaraq qaldı", – dey Bİİ UMN-niñ haberinde.
— Menim yerimge nasıldır 20 yaşındaki yigitniñ, balanıñ vazifege ketmesini istemeyim, — dep qayd etti Babah öz mesülietini.
Ukraina Prezidenti Volodımır Zelenskıy, Ukraina Mudafaa Nazirligi Silâlı Quvetleriniñ "Artan" mahsus bölüginiñ askeri, ölgen soñ Ukraina Qaramanı unvanını alğan serjant Yuriy Balançuknıñ qorantasına "Altın yıldız" ordenini teslim etti.
Telegram, WhatsApp, Facebook ve YouTube-ta Suspilne Qırım haberlerine abune oluñız
