Kiraz aynıñ 11-den 13-ke qadar Çerkas şeerinde "Alış" adlı bütünukrain küreş yarışı olıp keçti. Qırım taqımını çeşit kategoriyalarında dört sportçı taqdim etti, amma olarnıñ episi, minberde öz yerlerini taptı.
Bu aqta "Suspilne Qırım"-ğa QMC-niñ küreş federatsiyasınıñ vitse-prezidenti İmran Üseinov haber etti.
Bütün Qırım taqımı, Ukraina çempionatında mukâfatlar qazandı. Ayşe Yağyayeva (60 kg kategoriyasında), İzet Bekirov (70 kg), ve Mustafa Aciyev (80 kg) birinci yerni qazandılar. Ve Madamin Mirzoyev 90 kg kategoriyasında — ekinci yer.
"Bizim taqımımıznıñ quşaqlı küreş boyunca Ukraina çempionatında neticesi bizim içün ğayet beklenilgen. Biz halqara arenada endi tecribesi olğan ve keçken yıl Ukraina çempionları olğan ğayet küçlü sportçılarnı ilân ettik. Bundan ğayrı, olar episi qırımtatarlar, ve quşaqlı küreş – farqlı, tek yengil sport çeşitidir, amma maiyeti birdir. Demek, genetikanıñ da rolü olğanını aytmaq mümkün", — tarif etti İmran Üseinov.
Keçken sene Hmelnıtskıy şeerinde "Alış" quşaq küreşi boyunca Ukraina çempionatında Qırım taqımını birinci yerlerni qazanğan üç sportçı taqdim etti. Mustafa Aciyev de bu sene qoşuldı.
"Mustafa Aciyev bu sene qoşuldı. Keçken sefer o, iş teneffüsinde edi. O, ğayet küçlü küreşçi. Yuniorlar arasında Ukraina çempionı, büyükler arasında yunanıstan-rim küreşinde Ukraina çempionatınıñ kümüş medalisti. Bu sefer o, bu yarışlarda öz küçüni sınap baqtı ve birinci sefer Ukraina çempionı oldı", - dedi.
Telegram, WhatsApp, Facebook ve YouTube-ta Suspilne Qırım haberlerine abune oluñız
