New Yorkta "Ukrayinanıñ müstemlekeden boşatılması: Qırımnıñ tamır halqları Rusiye işğaliden soñ özlerini nasıl yañıdan añladılar" adlı kitap taqdim etildi. Professor Greta Linn Uelingniñ tedqiqatı işğal etilgen Qırımdan qıtaiy Ukrayinağa köçken insanlarnıñ ikâyelerini talil ete.
"Qırım platforması" teşebbüsi Facebookta bu aqqında haber etti.
Miçigan universitetiniñ professorı Greta Linn Ueling öz kitabında, hususan, 2014 senesinden başlap repressiyalar, "sessiz sürgünlik" ve yañı taqip dalğasınen qarşılaşqan qırımtatarlarnıñ tecribesine diqqat ayırdı.
Tedqiqatniñ müellifi mecburiy köçüv, tuvğan eviniñ işğali ve qırımtatarlarnıñ taqip etilüvi, olarnıñ özlerini teşkil etüv, medeniyetniñ saqlanuvı ve siyasiy agentlikniñ inkişafı esnaslarını nasıl etip katalizatsiya etkenini ögrene.
"Kitapta qıyın ve pek aktual meseleler baqıla: kimlikniñ ğayrıdan tiklenüvi, müstemlekecilik ameliyatlarına qarşılıq ve Rusiyeniñ işğali altında bulunğan Qırımnıñ tamır halqı, qırımtatarlar, siyasiy öz-özüni belgilev. Greta Linn Uelinniñ tetqiqatları müstemlekeden boşatılğan gumanitar ilimge müim isse qoşa ve Qırımnıñ tetqiqatına yañı akademik yanaşuvlarnı ilham ete", — dep aytıla haberde.
Professor Greta Linn Uelingniñ "Ukrayinanıñ müstemlekeden boşatılması: Qırımnıñ tamır halqları Rusiye işğalinden soñ özlerini nasıl yañıdan añladılar" kitabı 2025 senesi kiçik aynıñ 1-nde "Rowman & Littlefield" neşriyatı tarafından resmen neşir etildi.
Telegram, WhatsApp, Facebook, TikTok ve YouTubede Suspilne Qırım haberlerine abune oluñız
