İşğal etilgen Sevastopolda (AqyarRusiye imperiyası ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki adda) Roma-katolik cemiyeti kilsesiz qala bile. İşğalli akimiyet diniy toplulıqtan ibadethanesini alıp, anda kontsert salonı ya da evlenme sarayı qurmağa niyetlene.
Milliy muqavemet merkezi (MMM), Sevastopolniñ (Aqyarnıñ) merkezinde Roma-katolik ibadetleri keçirilgen binanıñ zapt etilüvi aqqında bildirdi.
"Vaqtınca işğal etilgen Sevastopolda ruslar Roma-katolik cemiyetiniñ kilsesiniñ binasını zapt ettiler. Ekinci cian cenkine qadar kilse olğan eski Dostluq kinoteatrı aqqında söz kete. Şimdi işğalciler onı evlenme sarayı ya da kontsert salonını yapmağa istey", — dep MMMniñ haberinde qayd etildi.
İşğal etilgen Sevastopolnıñ (Aqyarnıñ) merkezinde diniy cemiyetten binalarnı almaq niyetleri aqqında işğalli "gubernator" Razvojayev daa evel gizliden-açıq añlattı. Yerli kütleviy haber vastalarına bergen izaatında o, binanıñ maqsatı deñişe bilecegini ayttı.
Sevastopolnıñ (Aqyarnıñ) "gubernatorı" Razvojayevniñ Sevastopol gazetası içün izaatı. Скріншот/sevastopol.su
Telegram, WhatsApp, Facebook, TikTok ve YouTubede Suspilne Qırım haberlerine abune oluñız
