"Ateş" arbiy-partizan areketiniñ agentleri bildirdiler ki, bozarğan aynıñ 13-nde gece maalinde işğal etilgen Qırımğa ücüm vaqtında Rusiye arbiy tehnikası zarar kördi. Bundan ğayrı, arbiyler arasında elâk olğanlar bar.
"Ateş" Telegramda bunı bildirdi.
"Eki yüz" ve "üç yüz"niñ tam sayısını şimdilik belgilemege imkân yoq. Qırım sakinlerini Rusiye arbiyleri aqqında malümat bermege çağıramız — er bir tafsilât müim ola bilir. Mahsus teşekkürlerni 12-nci top-raketa polkunıñ arbiy hızmetçilerine bildiremiz, olar biznen işbirlik tutmağa ve kritik malümatnı bermege devam eteler", — dep aytıla haberde.
Hatırlatamız ki, Rusiye Mudafaa nazirligi bozarğan aynıñ 13-ne keçer gecesi işğal etilgen Qırımnıñ üzerinde 70 uçucısız uçaq aleti tüşürilgenini bildirdi. Qara deñiz üzerinde yedi uçucısız uçaq aletiniñ yoq etilgeni aqqında da haber etile.
"Qırım yeli" Telegram kanalınıñ bildirgenine köre, dronlar "Saq", "Gvardiya" ve "Kirovske" ava limanlarına uçtı. Şimdiki vaqıtta tasdıq yoq.
Patlamalar, resursnıñ yazğanına köre, Qırımnıñ bütün toprağında yüz berdi: Yevpatoriya (KezlevRusiye imperiyası ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki ad), Sevastopol (AqyarRusiye imperiyası ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki ad), Bağçasaray rayonı, Feodosiya (KefeRusiye imperiyası ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki ad), Aluşta, Saq, Novofödorovka, Qaçı ve Kirov (İslâm TerekRusiye imperiyası ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki ad) rayonlarında.
Telegram, WhatsApp, Facebook, TikTok ve YouTubede Suspilne Qırım haberlerine abune oluñız
