İşğalli Qırım memuriyeti işğal etilgen Qırımnıñ Aluşta şeerinde ayrı plâjlarğa kirişni sıñırlamaq imkânını muzakere ete. Yarımadada Rusiye quvetçileri ve memurları içün qapalı raatlıq alanı teşkil etilecek. Yerli sakinler ve kütleviy haber vastalarınıñ temsilcileri plâjğa kirip olamaycaq.
"Sarı şerit" muvafaqiyet temsilcileri bunı bildirdiler.
Faalcilerniñ qayd etkenlarine köre, işğalli memuriyet böyle qararnı "yerliler ve matbuatsız bir alan"nı temin etmek kerekliginen izaatlay, böylece uquq qorçalayıcı organlarnıñ vekilleri "kamerağa çekilmek telükesi olmadan raatlana bileler" ya da haberlerge çıqa bileler.
Telegram, WhatsApp, Facebook, TikTok ve YouTubede Suspilne Qırım haberlerine abune oluñız
