İşğal etilgen Qırım, Rusiyeniñ Ukrainağa raketa ücümleri içün esas bazası olaraq qalmaqta. Ekspertlerniñ aytqanlarına köre, andan "İskander", "Öniks" ve gipersesli "Tsirkonlar" çıqarıla. Rusiyeniñ mobil installâtsiyaları yarımadada yetmek qıyın olğan yerlerde gizlengen, şunıñ içün olarnı tapmaq deyerlik mümkün degil. Ukraina istihbaratı, tek yıl başından berli endi 50-den ziyade raketa atuvını saylap oldı.
Suspilne Qırım, arbiy ve aviatsiya ekspertlerinden ruslar ne içün Qırımnı seçip alğanlarını, em de böyle atuvlar ne qadar havflı olğanını bildi.
"Bu az-çoq cebe sızığınen havfsız bir mesafedir. Olar işğal etilgen Cenüpteki bir yerge – Herson vilâyetine, Zaporojyege kete bile ediler, amma nege, bu mesafeden çalışmaq daa havfsız olsa? Ve aynı zamanda, bu raketalarnıñ özüniñ uçuv vaqtına emiyetli tesir etmey", - dedi Pletençuk.
Aviatsiya eksperti Kostântin Krıvolap qayd etti ki, "İskanderler"-niñ uçuruvı, hususan, Sevastopoldeki (Aqyar) Kozak köyünden ve Qırımnıñ ğarbiy qısmında Tarhankut burunından alıp barıla.
"Tarhankuttan Ades, İzmail, Herson, Mıkolayivge qadar eñ qısqa yol. Demek, uruşlar andan yapıla. Eger "İskander" aqqında aytsaq, o vaqıt o, bizim territoriyamıznıñ ğayet büyük bir qısmı boyunca Tarhankut yerinden urıp bitire bile", – añlattı ekspert.
"İskenderlerden" ğayrı, Rusiye, Qırımdan kelgen "Öniks" gemige qarşı raketalarnen Ukraina territoriyasına da ücüm ete. Bu sene, ADQ-niñ malümatına köre, böyle uruş tek bir oldı.
"Öniksler nasıldır qatiy silâ degil. Olar sıq yañlış nişannı seçip alalar. Ve, qaide olaraq, bundan tek tınç sakinler zarar köreler", – qayd etti Pletençuk.
Ruslarnıñ doğrulıq meseleleri bar: raketalar çeşit trayektoriyalarda uçalar, olarnıñ semereliligi ise alçaq qalmaqta. Aviatsiya eksperti Kostântin Krıvolapnıñ aytqanına köre, raketa doğru çalışsın dep, o küçlü esaplav sistemalarınen donatılğan olmaq kerek.
"Bomba tahminen 300 kg ola. Ve asıda onıñ hususiyetlerine köre, o pek semereli olmaq kerek edi, amma deñiz maqsatları içün o daa semerelidir", – dep añlata ekspert.
Krıvolap qoşa ki, "Öniks" raketanı urıp tüşürmek qıyın, çünki o alçaq yükseklikte – deñizden 7-10 metr yükseklikte uçıp kete. Olar işğal etilgen yarımadada oñaytlı gizlengen "Bastion" adlı yalı boyu raketa komplekslerinden atılalar.
"Hususan, Bağçasaray, Şçaslıve, Ğvardiysk tarafları bar. Böyle ciddiy gizlenmek mümkün olğan yerler çoq", – qayd etti Krıvolap.
Bundan ğayrı, Qırımdan gipersesli "Tsirkonlar" çıqarıla. Olar yarımadadan Kiyevge 7-10 daqqada uçalar.
"Bizim malümatımızğa köre, 2024 senesi altığa yaqın tsirkon çıqarıldı", — dedi Krıvolap.
Ukraina Mudafaa nazirliginiñ istihbarat baş idaresiniñ vekili Andrey Çernâknıñ aytqanına köre, esas qıyınlıq şusı ki, raketalarnı atmaq içün mobil installâtsiyalar qullanıla.
"Bu belli bir yerniñ olması kerek olmağan mobil komplekslerdir. Olar mevamlı rayonğa, şartlı olaraq, açıq meydanğa barıp, raketalarnı çıqarıp ata bileler. Biz bu atuvlarnı köremiz, olar qaydan kelgenini añlaymız, amma muayyen bir noqtası yoq", - añlattı Çernâk.
Böyle inşaatnı tek 20 daqqa içinde yerleştirmek mümkün. Şunıñ içün Krıvolapnıñ aytqanına köre, installâtsiyalarnıñ özlerini yoq etüvi qıyın ve ameliy degil.
"Raketanı daa istisal vaqtında yoq etmek kerek. Ya da, soñki çare olaraq, onı atuv yerine taşıyyatqanda", – dep saya aviatsiya eksperti.
Çernâk, halqara muzakereler vaqtında Rusiye Ukrainağa qarşı toplavnı şiddetlendirecegini de qayd etti.
"Cenkâver areketlerniñ toqtatılması boyunca er angi bir muzakere olğanda, Rusiye bütün tış askerlerini, şu cümleden raketa silâlarını faalleştire", — qayd etti UMN İBİ-niñ vekili.
Ukraina istihbaratınıñ malümatına köre, yılnıñ başından berli ruslar işğal etilgen Qırım territoriyasından Ukrainanıñ qıtaiy qısmına eñ azdan yarım yüz raketa attılar.
Telegram, WhatsApp ve Facebookta Suspilne Qırım haberlerine abune oluñız
