Ukrayina havfsızlıq hızmeti Qara deñizde Rusiye arbiy obyektlerine qarşı muvafaqiyetli türlü mahsus operatsiyanı keçirdi. Rusiye tarafından zapt etilgen gaz çıqarıcı platformalarnıñ birisinde radiolokatsiya stantsiyası ve anbar binaları ava ve deñiz dronları yardımınen yoq etildi.
Ukrayina havfsızlıq hızmeti bu aqqında haber etti.
Operatsiyanı UHHnıñ Arbiy qarşı istihbaratt bölüginiñ 13-ünci Baş idaresiniñ hadimleri kerçekleştirdiler. Başta duşman obyektine ava uçuçcısız uçaq aleti urdı, bundan soñ ücümni deñiz uçuçcısız uçaq aleti yekünledi.
Ücüm neticesinde, suv ve ava vaziyetini nezaret etmek içün qullanılğan "Neva" rusiye RLSnı bütünley yoq etildi. Bundan ğayrı, platformadaki anbarlar ve mesken moduli yoq etildi.
"Bir mahsus operatsiya çerçivesinde UHHniñ hadimleri eki çeşit uçucısız uçaq aletini qullandılar, olar çift olaraq çalışqanınıñ semereligini kösterdiler. Biz duşmanğa bir kere daa hatırlattıq ki, Qara deñizde iç bir Rusiye çöpüne yer yoq", — dep UHHniñ beyanatında aytıp, eki çeşit dronnıñ birleşmesi semereli olğanını kösterdi.
Bu, UHHniñ deñiz cebesindeki ilk muvafaqiyetli operatsiyası degil. Suv üstündeki uçucısız uçaq aletleri yardımınen Ukrayin quvetleri Qırım köprüne ve Rusiye Federatsiyasınıñ eñ az 11 arbiy gemisine ücüm etti, bu ise onıñ bölgedeki tesirini ciddiy şekilde eksiltti ve ububat koridorınıñ işini ğayrıdan tiklemege imkân berdi.
Telegram, WhatsApp, Facebook, TikTok ve YouTubede Suspilne Qırım haberlerine abune oluñız
