Vaqtınca işğal etilgen Qırımda, Canköyde, yerli zenaat tehnikumınıñ ocaları studentlerni Rusiye ordusınıñ anbarlarında çalışmağa çağıralar.
"Sarı şerit" areketiniñ faalcileri bunı bildirdiler.
Olarnıñ malümatına köre, tehnikum ocaları talebelerge resmiy olmağan "profilli" iş teklif eteler, soñra belli olğanı kibi, bu, Rusiye ordusınıñ arbiy obyektlerinde iş ola. Şaatlarnıñ aytqanlarına köre, bu endi bir yıldır devam ete.
Faalcilerniñ aytqanlarına köre, işğalli memuriyet bu bozuvlarnı toqtatmaq içün iç bir şey yapmay.
"Biz ana-babalarnı diqqatlı olmağa çağıramız. Eger balañız VİETdaki tehnikiy bölüklerde oqusa, onı arbiy obyektlerde çalışmağa davet ete bilirler, yahşı netice köstereceklerini vade ete ya da bayağı para bere bilirler. Bunı nezaret altında tutmağa tırışıñız", — dep "Sarı şerit" qayd etti.
Telegram, WhatsApp, Facebook, TikTok ve YouTubede Suspilne Qırım haberlerine abune oluñız
