"Ateş" arbiy-partizan areketi, işğalciler Sevastopolniñ (Aqyar)Rusiye imperatorlığı ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki adı işğal etilgen Qırımdaki bir qısmından arbiy tehnikanı çıqarğanları aqqında haber ete – territoriya şimdi deyerlik boş.
Bunıñ aqqında areketniñ Telegram kanalında denile.
"Temizliknen oğraşqan grajdan qadınlar ve qartlar yerinde qaldılar. Fotolarğa baqqanda, arbiy tehnika deyerlik yoq - tek bir qaç yañı GAZ ve KamAZ yük maşnaları. Arbiyleri de çoq degil: bizim agentlerimiz olarnı tek qulle üstünde ve töpelikte kördiler", - qayd etile beyanatta.
Areket agentleri bunı cebede tehnikanıñ eksikliginen bağlı dep tahmin eteler - qalğan maşnalar, belki, başqa yerlerge avuştırılğandır.
Hatırlatayıq ki, mayıs aynıñ 14-nde "Ateş" areketiniñ agentleri bildirdiler ki, ruslar işğal etilgen Sevastopolda (Aqyarda) 810-ncı deñiz piyade brigadasınıñ mülküni çıqaralar. Bundan da ğayrı, bölükniñ toprağında bulunğan arbiy tehnika gizleyler.
Telegram, WhatsApp ve Facebookta Suspilne Qırım haberlerine abune oluñız
