Mayısnıñ 14-nde Lviv vilâyetiniñ Droğobıç şeerinde Qırımtatar medeniyet merkezi açıldı. Şeerniñ Qırımtatar cemiyeti 120-den çoq insandan ibaret.
Qırımtatar Milliy Meclisi bunı bildirdi.
"Bu kibi qıyın vaqıtlarda ortaqlarımız, yardımcılarımız ve ittifaqdaşlarımızğa saip olmaq pek müimdir. Bu keşifni mümkün etken er keske teşekkürlerimni bildirem. Vatanımız — Qırım — on bir yıldır Rusiye işğali altında bulunğanına baqmadan, mında, qıtaiy Ukrayinada, Qırımnı terk etmege mecbur olğan Qırımtatarlar destek alalar, sıcaqlıq ve yardım duyalar", — dep Qırımtatar Milliy Meclisiniñ reisi Refat Çubarov açılışqa onlayn qoşulıp ayttı.
Merkez, birinci qatı tamir etilgen tarihiy binada yerleşe. Onı yerli Qırımtatar cemiyetiniñ ve "İhsan — Щирість" CTnıñ ğayretinen Danimarka qaçaqlar meseleleri şurası, BMTnıñ Qaçaqlar işleri yuqarı komissarınıñ idaresi (UNHCR), NEEKA hayriye teşkilâtı, şeer akimiyeti ve Qırımtatar Milliy Meclisiniñ yardımınen açtılar.
Telegram, WhatsApp, Facebook, TikTok ve YouTubede Suspilne Qırım haberlerine abune oluñız
