Duşmannen işbirlikUkrayina CQniñ 111-1-nci maddesiniñ 5-nci qısmı faaliyetinde ve devlet hainligiUkrayina CQniñ 111-nci maddesiniñ 1-nci qısmınde şübeli sayılğanını Qırım tasil, ilim ve gençlik nazirligine bildirdiler. Oña 15 yılğa qadar apis cezası üküm etile bile.
Qırım MC ve Sevastopol (AqyarRusiye imperiyası ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki ad) şeeri prokurorlığı bunı bildirdi.
Şübelengen qadın — Ukrayina vatandaşı, 1997 senesinden başlap, Simferopol (AqmescitRusiye imperiyası ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki ad) şeeriniñ gimnaziyalarından birinde farqlı vazifelerini yapa edi. Qırım yarımadası işğal etilgen soñ onıñ müdiri oldı.
Tahqiqatnıñ malümatına köre, 2019 senesi onı "Qırım Cumhuriyetiniñ tasil, ilim ve gençlik naziri" vazifesine tayinlediler. 2024 senesi orta küz ayında kene de bu vazifege keçti.
"2024 senesi orta küz ayında, "Rusiye Federatsiyasında terrorizm mefküresine qarşılıq kösterüv" kompleks planınıñ amelge keçirilüvi çerçivesinde, "memur" "2024/2025 oquv yılı içün terrorizm ve ekstremizm mefküresine qarşılıq kösterüv planı"nı tasdıqlav buyruğını çıqardı. Qayd etilgen vesiqa, hususan, Qırım oquv yurtlarında "Ukrayin milletçi ve milletçi olmağan teşkilâtlarnıñ cinaiy mahiyeti" aqqında profilaktik tedbirlerniñ keçirilmesini ve talebelerge terroristik cinayetler içün "mesüliyet" aqqında malümat berilmesini közde tuta", — dep aytıla haberde.
Bundan da ğayrı, bu emirnen "nazir" Ukrayinağa qarşı silâlı istilâda iştirak etken Rusiye arbiy hızmetçilerini böyle "zararlar"ğa celp etmek ameliyatını tasdıqladı.
Mahkemeden evelki taqiqatnı Qırım MC Bİİniñ Baş idaresi keçire.
Prokuraturada qayd eteler ki, Ukrayina Anayasasınıñ 62-nci maddesine binaen, şahıs cinayet işlegeninde qabaatsız sayıla ve qabaatı qanunğa köre isbatlanıp, mahkeme ükmünen tasdıqlanılğance, cinaiy cezanı çekip olamay.
Telegram, WhatsApp, Facebook, TikTok ve YouTubede Suspilne Qırım haberlerine abune oluñız
