"Sarı şerit" areketiniñ faalcileri, Qırımdaki Rusiye işğalcileri mekteplerni "büyük strategiya aleti"ne çevirgenini iddia eteler. Anda talebelerge, doquzıncı sınıftan soñ, mektepni terk etmek kerek olğanını añlatmağa tırışalar.
Areket öz Telegram kanalında bu aqqında yazdı.
Anda qayd etilgenine köre, yarımadada bu endi er yıl keçirilgen bir ameliyat oldı — mekteplerniñ işğalli idare organları balalarnı mekteplerden mümkün olğanı qadar uzaqlaştırmağa tırışalar.
"Talebelerni, mektepniñ 11-nci sınıf talebelerine yetmegeninden qorqutalar. Qızlarğa deyler ki, aliy tasil tek aqay tapmağa keder ete. "Eñ yahşısı — qurucılıq ya da qaravullıq işine ketecek sınıfdaşıñnen evlenmek, ve birden bala doğurmaq. Ruslar, tasil alğan erkek ve qadınlarsız, idare etilgen cemiyet qurmağa tırışalar", — dep aytıla haberde.
Hatırlatamız ki, Qırımda işğalli akimiyet yarımadağa kelgen balalar içün "test noqtaları"nı kirsetti. Milliy muqavemet merkezi bildirdi ki, etnik rus olmağan bütün balalar "sınavdan keçirile".
Telegram, WhatsApp, Facebook, TikTok ve YouTubede Suspilne Qırım haberlerine abune oluñız
