"Ateş" partizan areketiniñ "Kiber Ateş" bölügi, işğal etilgen Qırımdaki eki esas Kreml malümat menbasını — crimea.mk.ru ve krym.top24.news muvafaqiyetli şekilde işletüvinden qaldırdı.
Bu aqta partizan areketi öz Telegram kanalında yazdı.
Partizanlar saytlarnıñ ekisi, malümat cenkniñ aletleri olğanını qayd ettiler, olarnıñ vastasınen Rusiye er kün Qırım sakinlerine sahte malümatnı paylaşa. Srimea.mk.ru – "Moskovskiy komsomolets"niñ Qırımdaki bölügidir, krym.top24.news mustaqil menbası kibi gizlenile, amma ukrainağa qarşı nutuğını tarqata, cenk aqqında Kreml rivayetlerini teşviq ete, dep qoştılar "Ateş" iştirakçileri.
"İşğalciler böyle saytlardan yalan tarqatmaq, cenkni aqlamaq, cemaat fikrine basqı yapmaq ve Rusiye ordusınıñ Ukraina toprağında bulunuvını qanuniyleştirmek içün qullanalar. "Jurnalistika" dep olar arbiy maqsatlarğa hızmet eteler", - dep qayd ettiler arekette.
Telegram, WhatsApp ve Facebookta Suspilne Qırım haberlerine abune oluñız
