Vaqtınca işğal etilgen Qırım sakinleri içün www.crimea-ed.org yañı tasil-malümat platforması çalışıp başladı. O, bulunğan yeriñizge baqmadan Ukrayin tasiline irişim bere, em oquv kurslarını, em de Ukrayin mektepleri ve universitetlerine kirmek içün talimat teklif ete ve işğalden azat etüvden soñ tasil yañıdan bermek içün hadimler yedegini azırlana.
Mayıs ayıniñ 9-nda Ukrayina prezidentiniñ Qırım MCdeki temsilciligi bu aqqında haber berdi.
Platforma talebeler, ana-babaları ve ocalar içün bütün kerekli malümatnı alıp topladı:
- VİETdan Ukrayin mektep ve yüksek tasilini nasıl almaq mümkün;
- onlayn kurslarğa nasıl qatnamaq, Ukrayin ve Qırımtatar tillerini nasıl oqumaq mümkün;
- NMT, ZNO ya da DPAğa nasıl azırlanmaq mümknü;
- işğalden azat etüvden soñ tasil yañıdan bermek içün hadimler yedegini şekillendirmege nasıl yardım etmek mümkün.
Bundan ğayrı, yarımadanıñ reintegratsiyasınıñ devlet siyasetini añlatqan "ProKrym" ve"Крим: історія та люди" ("Qırım: tarih ve insanlar") kurslarınen tanış olmaq mümkün.
Temsilcilik qayd etti ki, platforma aman-aman 8 mevzulı bölükni birleştirdi — mektep tasilini aluvdan hadimler yedegini şekillendirüvge. O, qanunlardaki deñişmelerge, vekâletli organlarnıñ teklifleri ve yañı tasil imkânlarına köre, er vaqıt yañartıla.
Tasil nazirligi, Ukrayina tasil inkişafı institutı, "Almenda" CT ve Zemaneviy ve raqam tasili birliginen beraber Ukrayina prezidentiniñ Qırım MCdeki temsilciliginiñ teşebbüsinen platforma meydanğa ketirildi.
Telegram, WhatsApp, Facebook, TikTok ve YouTubede Suspilne Qırım haberlerine abune oluñız
