Bahar ve bereketniñ timsali: mayısnıñ 3de Kıyivde Hıdırlez bayramı qayd etilecek

Qırımtatarlarnıñ ananeviy bahar bayramı Hıdırlez mayısnıñ 3-nde Kıyivdeki Squat 17b binasında qayd etilecek. Bayram bereketniñ timsali ola, bahar tarla işleriniñ yekünlenmesine bağışlana. Tolu miqyaslı cenk başlanğan soñ bu, Ukrayinanıñ paytahtında Hıdırlez bayramınıñ ilk merasimidir.

Suspilne Qırımğa tedbir teşkilâtçıları bunı añlattılar.

"Şimdi, Qırım mevzusı bütün dünyada bizler içün pek rahatsız ve acınıqlı bir şekilde laf etilgen vaqıt, Qırımtatarlar Qırım ve Ukrayinanıñ tamır halqı olğanını tekrar-tekrar hatırlatmaq kerekmiz, ve bizler büyük siyasiy oyunlarda deñiştirilgen para degilmiz. Bizim Qırımda öz toprağımızda bulunmaq ve yaşamaq aqqımız bar. Ve şimdi Rusiyeden mecburen Qırım tışında bulunğan er kes evge qaytmağa istey ve er şeyni yapa. Medeniyetnen tanış olmaq ise, meseleniñ esasını añlamağa yardım etken adımlardan biridir", — dep teşkilâtçı Ayşe Umerova ayttı.

Bayram vaqtında ziyaretçiler böyle tedbirlerde iştirak ete bilirler:

Qırımtatar mirası aqqında "ALEM" cemaat teşkilâtı idaresiniñ reisi Esma Adciyeva ve Qırımtatar tarihı ve medeniyetiniñ tedqiqatçısı, Ukrayina Milliy tarih müzeyi hazinesiniñ baş ilmiy hadimi Oleksiy Savçenkonıñ lektsiyası;
Ziyaretçiler "Yevşan-Zillâ" ve "Stantsiya Sivaş" taqımlarınıñ çıqışlarını diñley bilirler; üç djniñ eserşeri: Reshat, Elmar ve SAWRAS; Cemil Kömürci ve Dilâver Osmanov, Şevket Zmorka ve Ernes Osmanovnen qırımtatar muzıkası ansambliniñ muzıkası.
İstegen er insan ananeviy Qırımtatar küreşi boyunca açıq talimlerge qoşula bilir, ateşte pişirilgen pilâv aşay bilir, küçük yarmalıqqa bağış yapa bilir ve qına resimleriniñ ustalığına qoşula bilir.
Hıdırlez — hayriye tedbiri: tedbir çerçivesinde ziyaretçilerni hayriye auktsion bekleycek, bütün paralar ise "Qırım cebesi" birleşken teşebbüsine — Mudafaa nazirliginiñ Bİİniñ askerleri içün üç Mavic 3T satın alınmasına sarf etilecek.