Qırımnıñ işğalli mahkemeleriniñ eki yolbaşçısına duşmannen işbirlik faaliyetiUkrayina CQniñ 111-1nci maddesiniñ 7-nci qısmınde şübe bildirildi. Olar 15 yılğa qadar apis cezasını ala bileler.
Qırım Muhtar Cumhuriyeti ve Sevastopol (AqyarRusiye imperiyası ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki ad) şeeri prokurorlığı bunı bildirdi.
Tahqiqatnıñ malümatına köre, şübeliler Yalta şeer mahkemesi ve Qırımnıñ Lenin rayon mahkemesiniñ yolbaşçılarıdır. Bu vazifelerni 2024 senesi çiçiek-mayıs aylarında aldılar.
"Tecavuzcı devletniñ adından ve menfaatları içün "adalet" yerine ketirerek, şübeliler Qırım yarımadasınıñ toprağında işğalli mahkeme organları sistemasınıñ çalışmasını temin eteler", — dep aytıla haberde.
Bundan evel mahkemecilerden birine devlet hainligiUkrayina CQniñ 111-nci maddesiniñ 1-nci qısmınde şübeli sayılğanı aqqında bildirdiler.
Prokurorlıq qayd etti ki, Ukrayina Anayasasınıñ 62-nci maddesine binaen, şahıs cinayet işlegeninde qabaatsız sayıla ve qabaatı qanuniy şekilde isbatlanıp, mahkeme qararınen belgilenmegence, cinaiy cezağa oğratılmay.
Telegram, WhatsApp, Facebook, TikTok ve YouTubede Suspilne Qırım haberlerine abune oluñız
