İşğal etilgen Qırımda mayısnıñ 1-ne furtuna havfı ilân etildi. Gece ve saba çöl ve dağ ögündeki rayonlarda topraqta ve minus 2° qadar suvuq beklenile.
İşğalli Qırım FVN Telegramda bu aqqında haber etti.
Bundan ğayrı, 2025 senesi mayıs ayınıñ 1-den başlap bütün yarımadada mahsus yanğın rejimi ilân etile.
"Ayrı yanğınğa qarşı rejim, ava şaraitinde Qırım Cumhuriyetiniñ toprağında yanğın telükesi IV ve V sınıflarınıñ tayin etilmesi, yanğın vaziyetiniñ eyileşmemesi (meteorologik şaraitniñ tahminlerine köre), yelniñ quvetleşmesi ve orman fonduna yaqın olğan topraqlarda quru ösümliklerniñ yanması telükesi sebebinden kirsetildi", — dep aytıla haberde.
Telegram, WhatsApp, Facebook, TikTok ve YouTubede Suspilne Qırım haberlerine abune oluñız
