Ukrayinada Gurzuf qasabasında "Qırım öz-özüni mudafaa etüvi" qanunsız silâlı birleşmesiniñ komandanı mahküm etilecek. Onı Ukrayinanıñ topraq bütünligi ve toqunılmazlığına qast etüvUkrayina CQniñ 110-ncı maddesiniñ 2-nci qısmıde, devlet hainligiUkrayina CQniñ 111-nci maddesiniñ 1-nci qısmınde ve qanunda qayd etilmegen silâlı birleşmelerniñ erkânında iştirak etüvUkrayina CQniñ 260-ncı maddesiniñ 4-nci qısmıde qabaatlaylar.
Qırım Muhtar Cumhuriyeti ve Sevastopol (AqyarRusiye imperiyası ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki ad) şeeri prokurorlığı bunı bildirdi.
Qabaatlanğan adam 15 yılğa qadar apis cezasını ala bile. Tahqiqat, şübhelengen şahısnıñ 2014 senesi kiçik qış ayında Gurzufta qanunsız silâlı taqım qurğanını belgiledi.
"2014 senesi saban ayında qabaatlanğan adam, qol astında olğan askerler ve diger "öz-özüni mudafaa eticiler"nen beraber yanlarında ateş silâsını alıp, Saq rayonınıñ Novofedorivka qasabasında yerleşken USQniñ 10-ncı Saq deñiz aviatsiya brigadasınıñ (A1100 arbiy qısmı) zapt etilüvinde iştirak etti. Bundan ğayrı, 2014 senesi saban ayınıñ 16-nda "komandan" saylav bölüklerini qorçaladı ve yarımada toprağınıñ Rusiye Federatsiyasınıñ terkibine kirmesi meselesinde "referendum" keçirilmesini temin etti", — dep aytıla haberde.
Qırım MC ve Sevastopol (Aqyar) şeerindeki MPniñ Bİniñ TİMilliy Polisniñ Baş idaresiniñ Tahqiqat idaresi mahsus mahkemeden evelki tahqiqatnı keçirdi.
Prokurorlıqnıñ qayd etkenine köre, Ukrayina Anayasasınıñ 62-nci maddesine binaen, insan cinayet işlegeninde qabaatsız sayıla ve qabaatı qanuniy şekilde isbatlanıp, mahkeme tarafından qabaatlav qararınen belgilenmegence, cinaiy cezanı çekemez.
Telegram, WhatsApp, Facebook, TikTok ve YouTubede Suspilne Qırım haberlerine abune oluñız
